Rwanda Influencer Awards: Ibyamamare 50 binjiye mu cyiciro cy’am

Guhera kuri uyu wa Kane tariki 18 Ugushyingo 2021, ushobora gutangira guha amahirwe uwo ushaka ko azegukana igihembo bitewe n’icyiciro ahatanyemo.

Rwanda Influencer Awards ni byo bihembo rukumbi bizaba bigaragaramo ibyamamare mu ngeri zitandukanye mu Rwanda. Bizatangwa ku wa 18 Ukuboza 2021.

Iyo urebye ibyiciro byateganijwe ubona neza ko ibi bihembo bizahuriza hamwe ibyamamare mu gukoresha imbuga nkoranyambaga (Social media influencers), ibyamamare mu itangazamakuru (Journalist influencers), ibyamamare mu muziki, sinema, mu gutegura ibiganiro, mu myambarire ndetse no mu bwiza.

Mu Rwanda hagiye hagaragara ibihembo mu muziki, sinema n’ibindi ariko ni bwo hagiye gutangwa ibihembo bigaragaramo abantu bo muri ibyo byiciro icyarimwe.

Ushobora gutora kuri Inyarwanda.com ukoresheje Mobile Money, Airtel Money, Visa Card na Master Card

Ibyiciro bihatanye muri Rwanda Influencer Awards 2021:

1. Ibyamamare mu gukoresha imbuga nkoranyambaga [Social media influencers]

Mbabazi Shadia (Shaddyboo), Bugingo Bonny (Junior Giti), Rukundo Patrick (Patycope), Uwase Claudine Muyango, Kubwimana Dominique, Pamela Mudakikwa, Richard Kwizera na Ishimwe Claude.

2. Ibyamamare mu itangazamakuru [Journalist influencers]

Luckman Nzeyimana, Angelbert Mutabaruka, Anita Pendo, Phill Peter na Ingabire Egidie Bibio, Oswakim Mutuyeyezu, Butera Sandrine Isheja, Aissa Cyiza, Anne Nimwiza na Sam Karenzi.

3. Ibyamamare mu muzika, urwenya na cinema [Art and Creative Influencers]

Mugisha Emmanuel [Clapton], Kamirindi Joshua, Nkusi Arthur, Rusine Patrick, Japhet&Etienne bazwi muri Bigomba Guhinduka.

Clarisse Karasira, Mico the Best, Butera Knowless, Aline Gahongayire na Bruce Melody, Niyitegeka Gratien [Papa Sava], Benimana Ramadhan [Bamenya], Usanase Bahavu Jannet, Bazongere Rosine na Ndayizeye Emmanuel [Nick dimpoz].

4.Ibyamamare mu gutegura ibiganiro [Content Producer Influencers]

Murungi Sabin [Isimbi], Nyarwaya [Yago], Rose Nishimwe, Dashim [Dash Dash] na Irene Murindahabi

5.Ibyamamare mu myambarire ndetse no mu bwiza [Lifestyle Models]

Turahirwa Moses [Moshions], Niyitanga Olivier [Tanga Design], Izere Laurien, The Mackenzie [Zoë], Joyce Designer, Miss Mutesi Jolly, Vanessa RaiÌˆssa Uwase [Hermajesty_vanessa], Miss Nishimwe Naomie, Umukundwa Clemence na Ishimwe Winnie Nicole.

Kalisa Christian usanzwe ari ‘Creative Producer’ muri KCN LTD iri gutegura iki gukorwa, aherutse kubwira INYARWANDA ko iki gikorwa bagitekereje bashaka gushimira abagira uruhare mu myidagaduro.

Ati “Aba-influencers ni abantu bagira uruhare rukomeye mu kumenya ibibera hirya no hino ku isi, ni abantu bakoreshwa mu kumenyekanisha ibikorwa bitandukanye by’umwihariko aho imbuga nkoranyambaga zatereye imbere. Ni abantu basusurutsa ababakurikira. Turashaka kubibashimira no kubashyigikira.

Muri ibi bihembo hazabamo ibirori byiswe ‘We share party’ aho byitezwe ko abazabyitabira bazabanza gutambuka ku itapi itukura (Rea Carpet) bagafata ifoto cyangwa bakabanza kuganira n’itangazamakuru.

Ubundi ijambo ‘Share’ rikunda gukoreshwa n’abakoresha imbuga nkoranyambaga iyo bashaka gusangiza ubutumwa bwabo, ari nayo mpamvu ibirori babyitiriye iri jambo.

KANDA HANO UBASHE GUTORA UWO USHYIGIKIYE