Amakipe 10 yo muri Afurika azavamo 5 azitabira igikombe cy’Isi cya 2022 yamenyekanye

Ku mugoroba wo kuri uyu wa kabiri tariki ya 16 Ugushyingo 2021, Cameroon yatsinze Ivory Coast igitego 1-0 mu mukino w’ishyiraniro wo gushaka itike y’igikombe cy’Isi cya 2022, byanatumye ihita iyobora itsinda rya D biyihesha gukomeza mu cyiciro cya nyuma kizatanga amakipe atanu azahagararira Afurika muri iri rushanwa, Ivory Coast irasigara.

Karl Toko Ekambi ukinira Lyon yo mu Bufaransa niwe watsindiye Cameroon iki gitego cy’amateka cyabonetse muri uyu mukino wari urimo amahane menshi, wabonaga nta kipe yifuza gutakaza inota iryo ariryo ryose.

Mbere y’uyu mukino Cameroun yari inyuma ya Cote d’Ivoire ho inota rimwe mu itsinda D ariko yaje gufata umwanya wa mbere biyihesha kwerekeza mu majonjora ya nyuma rizatanga amakipe atanu azakina igikombe cy’Isi, itsinze Ivory Coast bari bahanganye.

Umunyezamu Andre Onana, yari yagarutse mu kibuga nyuma y’amezi icyenda yarahagaritswe kubera guhamwa no gukoresha ibiyobyabwenge, ndetse yanayifashije cyane iki gihugu mu minota ya nyuma y’umukino ku mipira yashoboraga guteza ibibazo yagiye akuramo.

Muri tombora iteganyijwe tariki ya 18 ukuboza 2021, amakipe 5 ari imbere ku rutonde rwa FIFA azatombora andi 5 akurikiraho.

Ibihugu 10 bizavamo 5 bizahagararira Afurika mu gikombe cy’Isi cya 2022:

Amakipe 5 ya mbere ku rutonde rwa FIFA:

Senegal

Morocco

Algeria

Tunisia

Nigeria

Andi 5 azatombora

Egypt

Cameroon

Mali

Ghana

DR Congo

Ekambi yatsinze igitego cy'amateka cyasezereye Cote d'Ivoire

Cameroun irahabwa amahirwe yo kwerekeza mu gikombe cy'Isi cya 2022