Kigali
Bralirwa
-->

CAF CC: AS Kigali yakuye intsinzi muri Comores yoroshya akazi ku mukino wo kwishyura

Yanditswe na: SAFARI Garcon
Taliki:10/09/2021 16:45
0

AS Kigali yatangiranye intsinzi mu rugendo rwo gushaka uko yagera mu mikino y’amatsinda muri Confederations Cup uyu mwaka, nyuma yo gutsindira ikipe ya Olympique de Missiri mu rugo ibitego 2-1.



Mu mukino w’ijonjora ry’ibanze muri CAF Confederations Cup wabereye mu mujyi wa Moroni mu gihugu cya Comores kuri Stade Omnisport de Moroni, AS Kigali yahatsindiye Olympique de Missiri ibitego 2-1, itera intambwe ikomeye igana mu cyiciro gikurikiyeho ari nako yoroshya akazi ku mukino wo kwishyura uzabera i Kigali mu cyumweru gitaha.

AS Kigali yihariye umupira muri uyu mukino, yakinnye neza igice cya mbere, ihererekanya neza mu kibuga, irema uburyo buvamo ibitego bwinshi ndetse inagerageza kugarira neza, wabonaga abakinnyi bari ku rwego rwiza rwo gutsinda umukino.

Mu mininota 45 y’igice cya mbere AS Kigali yabyaje umusaruro amahirwe yabonye, itsinda ibitego bibiri byinjijwe na Kwizera Pierrot na Saba Robert.

Igice cya mbere cyarangiye AS Kigali iyoboye umukino ku ntsinzi y’ibitego 2-0.

Mu gice cya kabiri, Olympique de Missiri yagarutse yoakosoye byinshi, itangira kurema amahirwe avamo ibitego, ari nako AS Kigali yasaga n’iyiraye igaragaza amakosa menshi mu bwugarizi bwayo, iha urwaho abanya-Comores batangira gusatira izamu rya Fiacre Ntwari.

Olympiques de Missiri yabonye igitego cyo kwishyura mu gice cya kabiri nyuma yo gukomanga inshuro nyinshi imbere y’izamu rya AS Kigali.

AS Kigali yari yasuye, yakomeje gukina neza irusha Abanya-Comores guhererekanya neza no kurema uburyo buvamo ibitego, ariko uburyo bwose bagerageje ntibwabahiriye, bituma iminota 90 y’umukino irangira begukanye intsinzi y’ibitego 2-1.

Biteganyijwe ko AS Kigali izagera mu Rwanda ku Cyumweru tariki ya 12 Nzeri 2021, aho izaba ije kwitegura umukino wo kwishyura uteganyijwe ku wa Gatandatu w’icyumweru gitaha.

AS Kigali nisezerera Olympique de Missiri, izahura na DCMP yo muri DR Congo mu cyiciro gikurikiyeho.

AS Kigali yatsindiye Olympique de Missiri mu rugo ibitego 2-1 mu ijonjora ry'ibanze muri CAF Confederations Cup





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND