Biragoye kwiyumvisha uburyo umuntu mukuru bamutuma guhaha kuri Boutique agatinda agahera, rimwe na rimwe iyo udatashye babyita ko waburiwe irengero iyo umaze iminsi irenga 2 nta kanunu...Umusore ubu wabaye umusaza, James Maura, yatahutse nyuma y'imyaka 47 baramutumye ku iduka kugura ikiro cy'umuceri.
Ubwo yari afite imyaka 23, James Maura wo muri Kenya, yoherejwe mu iduka kugura umuceri wo guteka ngo barye hanyuma arazimira. Kuri iki cyumweru, yongeye guhura n'umuryango we atahutse nyuma yo kumutuma akagenda umuti wa mperezayo.
Maura, ubu ufite imyaka 70, amakuru avuga ko umuryango wategereje uwagiye guhaha ugaheba, mu gihe James Maura yigiriye igitekerezo cyo guhita yigira mu mujyi wa Nairobi, aza kwimukira mu cyaro, akomerezayo ubuzima iwabo arabibagirwa.
James yagiye ari umusore none yatahutse ari umusaza
Imyaka yarashize indi irataha, nk'uko Citizen ibitangaza, gusa kongera gutekereza iwabo ni uko yanyarukiye kuri Facebook akabonaho umugabo bajya gusa maze aramwandikira ubutumwa bugufi amusuhuza, baraganiriye birangira bibwiranye asanga ni abishywa, amusaba gutaha agahura n'umuryango we wamubuze ubwo wamutumaga ikiro cy'umuceri ku iduka. James Maura byarangiye atashye ari umusaza umuryango urishima.
Eng
RSS 
TANGA IGITECYEREZO