Byageze iwa Ndabaga! Nyuma yo guhabwa iminsi 46 ya 'Guma mu Rugo', byamenyekanye ko muri Uganda abarenga 800 batewe urukingo rutujuje ubuziranenge

Ibitangazamakuru bitandukanye muri Uganda birimo na Blizz.co.ug byanditse ko abarenga 800 aribo bakingiwe uru rukingo rutujuje ubuziranenge, aya makuru akaba yaramenyekanye kuri uyu wa Gatatu tariki 30 Kamena 2020.

Dr. Wallen Naamara, umuyobozi mu by’ubuzima yavuze ko ibi byakozwe ku bufatanye bw’abantu benshi, akaba ari ubufatanye burimo amayeri agamije ubucuruzi. Yagize ati ”Na none hari ibiro by’abakora inkingo za COVID-19 zidafite ubuziranenge binatanga akazi ku bantu banyuranye. Twakoze iperereza duta muri yombi abaganga babiri mu bahawe akazi muri ubwo buryo”.

Yakomeje avuga ko izi nkingo zitujuje ubuziranenge zaguzwe mu makompanyi igihugu cyishyuye agera ku madolari 54 kuri buri rukingo. Bivuze ko ahwanye n’ibihumbi 200,000 by’amashiringi ya Uganda kuri buri rukingo. Muri iki gihugu ku munsi w'ejo handuye abantu 543 hapfa 34. Imibare y'abamaze kwandura iki cyorezo igaragaza ko ari abantu 79,979. Mu gihe abamaze guhitanwa n'iki cyorezo ari 1,023.