Umutoza wa Real Madrid Zinedine Zidane avuga ko atazi neza niba kapiteni Sergio Ramos azaguma muri iyi kipe nyuma y'uko akomeje kwanga kongera amasezerano, mu gihe bivugwa ko umunyabigwi Cristiano Ronaldo ari mu nzira zigaruka i Santiago Bernabeu.
Amasezerano y’uyu myugariro w'imyaka 34, azarangirana n'impera y'uyu mwaka w'imikino, kugeza magingo aya ntaremera kuyongera, mu gihe hari amakipe menshi y’i Burayi amwifuza arimo Liverpool na PSG.
Uyu Munya-Espagne yatsindiye ibikombe bine bya Champions League ari muri iyi kipe, ibikombe bine by'igikombe cy'isi cy'ama-club ndetse n'ibikombe bitanu bya shampiyona ya La Liga mu myaka 16 amaze muri iyi kipe.
Yageze muri Real mu mwaka wa 2005 avuye muri Sevilla.
Zidane yagize ati: "Ndashaka kuvugisha ukuri kandi ngomba kuvuga ko ntazi uko bizagenda kuri we. Turashaka ko aguma hano. Iteka yahora ari umukinnyi w'ingenzi kandi ndashaka ko aguma hano, ibyo ni byo navuga nk'umutoza".
Myugariro Ramos amaze gukinira Real imikino 668, atsindamo ibitego 100. Yavuze ko ashaka kuguma muri iyi kipe.
Ramos ashobora kuva muri Real Madrid
Bite bya Cristiano muri Real Madrid?
Hagati aho, Zidane yirinze kugira icyo avuga ku bihuha byuko Cristiano Ronaldo yasubira muri Real. Iyi kipe irarushwa amanota umunani na Atletico Madrid iyoboye urutonde rwa shampiyona ya La Liga kugeza ubu.
Juventus ya Cristiano yasezerewe na Porto mu irushanwa rya Champions League ry'uyu mwaka.
Zidane yagize ati: "Buri muntu wese azi icyo Cristiano avuze kuri [Real] Madrid, ibyo yagezeho hano, icyo tumutekerezaho kandi buri kintu cyose yakoreye hano cyari agatangaza".
"Ariko kuri ubu ni umukinnyi wa Juventus kandi nta kindi nshobora kuvuga kirenze kuri ibyo. Hari ibintu byinshi byavuzwe ariko dukwiye guhana icyubahiro".
Zidane avuga ko atazi neza niba azagumana kapiteni Ramos muri Real Madrid
Biravugwa ko Cristiano Ronaldo ashobora kugaruka muri Real Madrid
Eng
RSS 
/cdn.vox-cdn.com/uploads/chorus_image/image/65861565/1168049746.jpg.0.jpg)
TANGA IGITECYEREZO