Umunyarwanda utoza ikipe ya Bandare FC yo muri Kenya, Casa Mbungo yongeye kugirwa umutoza w'icyumweru muri iki gihugu ku nshuro ya 3 yikurikiranya ndetse n'ikipe ye iba ikipe y'icyumweru.
Casa yageze muri Bandari FC muri Mutarama ubwo uwatozaga iyi kipe yari amaze kwerekeza muri Sofapaka ikinamo umunyarwanda Mitima Isaac.
Kuva Casa Mbugo wigeze gutozaho ikipe ya Rayon Sports yagera muri Bandari amaze kuyitoza imikino 8 ya shampiyona atsindamo imikino 5 anganya imikino 2 atsindwa umukino 1.
Shampiyona ya Kenya igeze ku munsi wa 14 ikipe ya Bandari ikaba iri ku mwanya wa 3 n'amanota 25. Nyuma yo gutsinda ikipe ya Ulinzi Stars, Casa Mbungo Andre yahise agirwa umutoza w'icyumweru ku nshuro ya 3 yikurikiranya mu gihe amaze gutsinda imikino 4 yikurikiranya.
Eng
RSS 
TANGA IGITECYEREZO