RFL
Kigali

Europa League: Arsenal yongeye gutombora Olympiacos iheruka kuyisezerera, Manchester United izisobanura na AC Milan

Yanditswe na: SAFARI Garcon
Taliki:26/02/2021 16:48
0


Benshi mu bakunzi b'umupira w'amaguru baribaza niba amateka ashobora kwisubiramo, nyuma yuko Arsenal yongeye gutombola Olympiacos muri 1/8 muri Europa League, mu gihe AC Milan ya Zlatan yatomboye Manchester United.



Kuri uyu wa Gatanu tariki ya 26 Gashyantare 2021, i  Nyon mu Busuwisi habereye Tombola ya 1/8 cya Europa League, aho Arsenal yahawe amahirwe yo kwihorera kuri Olympiacos yo mu Bugereki yayisezereye umwaka ushize muri 1/16, cyangwa amateka akongera akisubiramo.

Mu mukino wabaye muri Werurwe 2020, Arsenal yagiye mu Bugereki itsindirayo igitego 1-0, ariko mu mukino wo kwishyura bayitsindira ku kibuga cyayo ndetse birangira banayisezereye.

Manchester United ishaka iki gikombe hasi kubura hejuru yatomboye AC Milan ya Zlatan Ibrahimovic nayo yagaragaje ko yivuguruye muri uyu mwaka, ndetse inahataniye igikombe cya shampiyona mu Butaliyani.

Ntabwo Manchester United ikunze koroherwa na AC Milan ifite ibikombe 10 bya Champions League kuko mu nshuro 5 bamaze guhura,iyi kipe yo mu Butaliyani yabasezereye 4 kose.

Tottenham ya Jose Mourinho yatomboye Dynamo Zagreb yo muri Croatia.

Imikino ya 1/8 izatangira gukinwa taliki ya 11 Werurwe 2021, ahazakinwa umukino ubanza.

Uko tombora ya 1/8 yagenze

Mu mwaka ushize Olympiacos yasezereye Arsenal muri 1/16





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND