Amashusho rutahizamu wa Paris-Saint Germain n'ikipe y'igihugu ya Brazil Neymar Jr yashyize ku mbuga nkoranyambagaze, amugaragaza yishimira igitego cya mugenzi we bakinana, Klyan Mbappe ku mukino wa FC Barcelone, yatumye benshi bacika ururondogoro.
Kubera imvune yakuye mu mikino wa shampiyona y'u Bufaransa, Neymar ntiyakinnye umukino ubanza wa 1/8 muri UEFA Champions League PSG yatsindiye FC Barcelona i Camp Nou 4-1, ahubwo yawurebeye mu rugo iwe.
Uyu mukinnyi washimishijwe cyane n'intsinzi PSG yakuye ku ikipe yahoze akinira, yashyize amashusho ku muga nkoranyambaga ze agaragaza uburyo budasanzwe yishimiye igitego cya Klyan Mbappe watsinze ibitego bitatu mu mukino.
Neymar wari wicaye mu cyumba cy'uruganiriro aho yareberaga umupira ari kumwe n'abandi, Mbappe yatsinze igitego, maze Neymar arasakuza cyane azamura amaboko hejuru.
Ni intsinzi yashimishije cyane abakinnyi, abakunzi n'abafana ba PSG kuko mu 2017 kuri iki kibuga bari barahatsindiwe ibitego 6-1, bahita basezererwa mu irushanwa. Mbappe yabaye umukinnyi wa mbere utsinze ibitego 3 i Camp Nou mu myaka 24 bwa mbere mu myaka 24 ya Champions League.
PSG yongereye amahirwe menshi yo gukomeza muri 1/4, kuko umukino wo kwishyura uzabera Parcs des Prince, FC Barcelona isabwa gutsinda ibitego 4-0 kugira ngo ikomeze mu cyiciro gikurikiyeho.
Neymar yishimiye igitego cya mbappe mu buryo budasanzwe
Mbappe yatsinze ibitego bitatu mu mukino wabereye i Camp Nou
Eng
RSS 
TANGA IGITECYEREZO