Nyuma y’idindira ry’ibikorwa ibihugu byinshi byatangiye gukingira Covid-19 ndetse n’ibindi byatangiye kurarika ababyo. Ubuhinde bwatangeje ko mu mpera za Mutarama 2021 bagiye gutangira kugurisha urukingo ku bihugu by'amahanga. Kugeza kuri uyu munsi iki gihugu kiri kwemeza izigera kuri ebyiri (Covishield na Covaxin).
Nyuma y'uko hirya no hino ku Isi ikibazo cya Covid-19 cyabaye ingorabahizi, nyuma yo
kumva ko hari inkingo zatangiye kuboneka buri wese ari kwibaza ikibazo kigira
kiti ”Ese nzarubona, nzaba nararuguze
angahe ?.
Kuri uyu munsi
wa none ibihugu byinshi bimaze gutangira gukingira abaturage babyo, gusa hari n’ibindi
bigiye kubyaza aya mahirwe ubucuruzi bukomeye bwo kugurisha uru rukingo. Umwe
mu bayobozi bakomeye bo mu Buhinde waganiriye na BBC dukesha iyi nkuru, yatangaje ko n'ubwo ibihugu byinshi bifite impungenge z'uko inkingo zizaba nke ariko ku ruhande rw’u Buhinde nta kibazo kuko bazasagurira n’amahanga.
Uyu munsi wa
none igihugu cy’u Buhinde ni cyo kigurisha cyangwa gikora 60% y'imiti ikoreshwa hirya no ku isi, iyi ni nayo mpamvu ituma leta y'iki gihugu iri gukora
iyo bwabaga ngo irebe ko no kuri iyi nshuro igurisha uru rukingo ku bihugu
byinshi dore ko ibitegereje kurugura ari byinshi.
Iki gihugu kimaze kwemeza gukoresha byihutirwa inkingo ebyiri zizatangira guterwa abantu muri uku kwezi kwa mutarama. Ubuhinde nk’igihugu kimaze kubaka izina mu buvuzi kiri gutegura gahunda nini cyane ku isi yo gukingira abantu, barategura gukingira abantu Miliyoni 300 kugeza mu kwezi kwa Kamena.
Abashinzwe
kugenzura imiti mu Buhinde bamaze kwemeza inkingo ebyiri - urwakozwe na AstraZeneca
na Oxford University (Covishield) n'urwakozwe na kompanyi yo mu Buhinde yitwa Bharat
Biotech (Covaxin).
Umutegetsi
muri minisiteri y'ububanyi n'amahanga avuga ko Ubuhinde buri kunoza gahunda yo
gufasha ibindi bihugu kugerwaho n'urukingo. Ibihugu byinshi muri Africa
bisanzwe bikoresha imiti n'inkingo byinshi bikorerwa cyangwa bituburirwa mu
Buhinde, byiteze cyane inkingo za Covid-19 zivuye mu Buhinde.
Umwe mu bategetsi wo mu Buhinde
waganiriye na BBC utifuje ko izina rye rimenyekana yagize ati: "Mu byumweru bibiri nidutangira
gukingira tuzatangira no kohereza inkingo mu bihugu bimwe bituranyi. Zimwe mu zo
tuzohereza tuzazishyura nk'impano, izindi zizishyurwa ku giciro guverinoma
iziguraho."
Tariki 03
z'uku kwezi kwa mbere abashinzwe imiti mu Buhinde bemeje ikoreshwa rya ziriya
nkingo ebyiri, mu minsi 10 uhereye icyo gihe bazatangira gukingira Abahinde. Ukuriye
ikigo Serum Institute India kiri gutubura urukingo rwakozwe na
Oxford/AstraZeneca mu Buhinde, ejo kuwa kabiri yabwiye BBC ko ikigo akuriye
cyemerewe kohereza uru rukingo mu mahanga.
Yavuze ko ku ikubitiro mu byumweru bicye bazoherereza Bangladesh, Arabia Saoudite na Maroc. Serum Institute na Bharat Biotech bamaze gutegura inkingo doze zirenga miliyoni 70 za Covid-19, mu gihe kandi bakomeje gutunganya izindi nyinshi bagamije guhaza isoko ry'abazikeneye. Kuwa kabiri, ibi bigo bibiri bikora inkingo byasohoye itangazo bihuriyeho bivuga ko bizatanga "inkingo za Covid-19 zikenewe ku isi".
Src: BBC
TANGA IGITECYEREZO