Kigali

Bobi Wine yatawe muri yombi na Polisi ubwo yari ari mu bikorwa byo kwiyamamaza

Yanditswe na: Nadia Kangabe
Taliki:31/12/2020 9:36
1

Umuhanzi Bobi Wine uri kwiyamamaza ku mwanya wa Perezida mu gihugu cya Uganda yatawe muri yombi na Polisi yicyo gihugu ubwo yarari mu bikorwa byo kwiyamamaza hagati mu gihugu mu gace ka Kalangala.



Robert Kyaguolanyi uzwi nka Bobi Wine mu buhanzi kuri ubu akaba ari umukandida ku mwanya wa Perezida w'igihugu cya Uganda, polisi y'iki gihugu yamutaye muri yombi ubwo yarari kwiyamamaza mu gace kitwa Kalangala.

Bobi Wine akaba yabitangaje ku rukuta rwa Twitter ye yavuze ko we n'ikipe ye ndetse n'abantu bose bari bamuri inyuma polisi yabataye muri yombi gusa nta mpamvu bababwiye yatumye bafungwa. Ibyo bikaba byarabaye ku munsi w'ejo gusa bimenyekanye mu masaha macye ashije ubwo Bobi Wine yabyandikaga kuri twitter.

Bobi Wine atawe muri yombi na Polisi

Umuvugizi w'ishyaka rya Bobi Wine ryitwa National Unity Platform witwa Joel Senyonyi yavuze ko ayo makuru ari impamo ko Polisi yafunze Bobi Wine n'ikipe ye bakorana bya hafi yari yamuherekeje. Yatangaje ko ubwo Polisi yageraga mu gace ka Kalangala aho bari baherereye yahise ibashyira mu modoka ikabajyana. Naho abantu bari bitabiriye icyo gikorwa polisi yabateye imyuka isinziriza izwi ku izina rya 'Tear gas'.


 Uwari witabiriye igikorwa cyo kwiyamamaza cya Bobi Wine

Ibi bibaye nyuma yuka Bobi Wine aherutse gutangaza ku cyumweru gishize ko uwari umurinzi we (Bodyguard) yishwe n'umupolisi wamugonze. Bobi Wine siwe wenyine watawe muri yombi gusa kuko n'undi mukandida ku mwanya wa Perezida witwa Patrick Amuriat aherutse gutabwa muri yombi ku munsi wo ku cyumweru gishize.

Kuva ibikorwa byo kwiyamamaza byatangira Polisi ya Uganda imaze guta muri yombi abantu 600 barenze ku mabwiriza yo kwirinda Covid-19. Bobi Wine uhanganye mu matora na Perezida Yoweli Museveni w'imyaka 76, amatora ateganyijwe kuzaba umwaka utaha mu kwezi kwa mbere ku itariki 14.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Man peter3 months ago
    Oya ntag bamutaye muriyombi rwose ahubwo yarenze kumabwiriza yo kurwanya corona, kd indege yagisirikare yamuvanye karangala imuzana kpl ahita atwagwa murugo iwe. manp kuva kpl ndabakunda cyn



Inyarwanda BACKGROUND