Rutahizamu w'umunya-Espagne ukinira ikipe ya Atletico Madrid, Diego Costa, yanze kwitabira imyitozo y'iyi kipe nk'ikimenyetso gishimangira ubusabe bwe bwo gusohoka muri iyi kipe muri Mutarama 2021.
Nyuma yo kugura Umunya-Portugal Joao Felix ndetse n'umunya-Urguay Luis Suarez, Costa yatangiye guhabwa iminota mike yo gukina, rimwe na rimwe ntakine, bituma abura umwanya uhoraho wo kujya mu kibuga byatumye yivumbura, asaba ubuyobozi bw'iyi kipe kumurekura akigenda.
Muri uyu mwaka w'imikino, Costa amaze kugaragara mu kibuga ku mikino irindwi, akaba yaratsinzemo ibitego bibiri.
Biciye k’ushinzwe kumushakira amakipe, yasabye Atletico ko yamurekura bitarenze mu kwezi kwa mbere umwaka utaha, akajya gushakira ahandi kuko nta gaciro agihabwa muri Atletico Madrid.
Mu rwego rwo guhamiririza iyi kipe ko nta gahunda yo kuyigumamo afite, yanze kwitabira imyitozo yo kuri uyu wa mbere tariki ya 28 Ukuboza 2020.
Umutoza wa Atletico Madrid, Diego Simeon, bisa nkaho nawe yamaze gutegura ko atazaba afite Costa mu ikipe ye mu 2021, kuko yatangiye ibiganiro n'ushobora kuba umusimbura we, akaba ageze kure mu biganiro na rutahizamu ukomoka muri Pologne ukinira ikipe ya Napoli, Arkadiusz Milik.
Costa wamaze imyaka umunani muri Atletico Madrid mbere yo kujya muri Chelsea akanahatwara ibikombe bibiri bya shampiyona (2014 na 2017), yagarutse muri iyi kipe yamureze yanagiriyemo ibihe byiza.
Diego Costa, yakiniye Chelsea imikino 120 mu myaka itatu yahamaze (2014-2017), ahatsinda ibitego 59 mu mikino 82 yakiniye Stamford Bridge.
Amakipe menshi atandukanye yiganjemo ayo mu Bwongereza biravugwa ko yifuza uyu rutahizamu, gusa mu yavugwa harimo Arsenal, gusa FC Barcelona na Real Madrid biravugwa ko ashobora kuyerekezamo ariko agacibwa akayabo ka Miliyoni 23 z'ama-Euros.
Costa yasabye gusohoka muri Atletico Madrid muri Mutarama 2021
Eng
RSS 
TANGA IGITECYEREZO