Kigali

Dore uko kapiteni n'umutoza w'Amavubi batoye mu bihembo bya FIFA 2020

Yanditswe na: SAFARI Garcon
Taliki:18/12/2020 16:19
0

Inota rimwe ry'umutoza Mashami Vincent kuri Rutahizamu wa Bayern Munich, Robert Lewandowski ryamufashije kwegukana igihembo cy'umukinnyi mwiza ku Isi mu 2020, n'ubwo Kapiteni w'ikipe y'igihugu Amavubi, Jacques Tuyisenge atari mu bo yahaye amahirwe.



Abatoza b'amakipe y'ibihugu ndetse n'abakapiteni babyo, na buri munyamakuru w'imikino umwe muri buri gihugu nibo bagize uruhare mu gutora umukinnyi mwiza wahize abandi mu mwaka w'imikino wa 2019/20, wahawe igihembo na FIFA.

Uyu muhango wabereye i Zurich mu Busuwisi mu ijoro ryo ku wa kane tariki ya 17 Ukuboza 2020, byarangiye umunya-Pologne Robert Lewandowski wa Bayern Munich ariwe ucyegukanye ahigitse Messi na Cristiano Ronaldo.

Muri aya matora, u Rwanda rwahagarariwe n'umutoza Mashami Vincent na Jacques Tuyisenge, mu gihe umunyamakuru watoye ari Dukuzimana Jean de Dieu wa Royal FM.

Mu gihe mu bagore, hatoye Habimana Sosthène utoza Amavubi, Umwaliwase Dudja nka kapiteni n’umunyamakuru Uwimana Clarisse ukorera B&B FM- Umwezi.

Uko u Rwanda rwatoye mu bagabo

Umukinnyi w’umwaka:

- Tuyisenge Jacques: Sadio Mané, Mohamed Salah na Lionel Messi.

- Mashami Vincent: Kevin de Bryune, Sergio Ramos na Robert Lewandwoski.

- Dukuze Jean de Dieu: Robert Lewandowski, Sadio Mané na Sergio Ramos.

Umutoza w’umwaka:

- Tuyisenge Jacques: Jürgen Klopp, Zinedine Zidane na Julen Lopetegui.

- Mashami Vincent: Jurgen Klopp, Zinedine Zidane na Marcelo Bielsa.

- Dukuze Jean de Dieu: Hans-Dieter Flick, Julen Lopetegui na Jürgen Klopp.

Umunyezamu w’umwaka:

- Tuyisenge Jacques: Alisson Becker, Manuel Neuer na Thibaut Courtois

- Mashami Vincent: Manuel Neuer, Alisson Becker na Jan Oblak.

- Dukuze Jean de Dieu: Manuel Neuer, Thibaut Courtois na Jan Oblak.



Uko Abanyarwanda bitwaye mu gutora umukinnyi mwiza wahize abandi ku Isi mu 2020

Jacques Tuyisenge na Mashami Vincent nibo batoye mu bihembo bya FIFA Awards 2020





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND