Kigali

Robert Lewandowski yatowe nk’umukinnyi w'Indashyikirwa ku Isi mu 2020, Klopp ahigika abandi batoza

Yanditswe na: SAFARI Garcon
Taliki:18/12/2020 10:28
1

Umunya-Pologne ukinira ikipe ya Bayern Munich yo mu Budage, Robert Lewandowski yahigitse Messi na Cristiano, yegukana igihembo cy'umukinnyi w'Indashyikirwa ku Isi mu 2020, mu gihe Jurgen Klopp utoza Liverpool yegukanye igihembo cy'umutoza mwiza w'umwaka.



Mu ijoro ryo kuri uyu wa kane tariki ya 17 Ukuboza 2020, i Zurich mu Busuwisi hatangiwe ibihembo bitandukanye bitangwa na FIFA ku bakinnyi bahize abandi mu mwaka w'imikino wa 2019/2020.

Ni umuhango wabanjirijwe no kwibuka nyakwigendera Diego Maradona na Paolo Rossi bose bitabye Imana muri uyu mwaka.

Bidatunguranye, Robert Lewandowski yegukanye iki gihembo ahigitse Cristiano na Lionel Messi.

Mu mwaka ushize w'imikino, Robert Lewandowski yatsinze ibitego 55 harimo ibitego 34 yatsinze muri Bundesliga, ibitego 15 yatsinze muri Champions  league, ndetse n'ibitego 6 yatsinze mu gikombe cy'igihugu.

Jurgen Klopp yegukanye igihembo cy'umutoza mwiza wa 2019/20, ahigitse abarimo Hansi Flick na Marcelo Bielsa.

IBIHEMBO BYOSE BYATANZWE:

Umukinnyi w’umugore witwaye neza ku isi/The Best FIFA Women’s Player

Lucy Bronze (Lyon/ Manchester City)

Umukinnyi w’Umugabo witwaye neza ku isi/The Best FIFA Men’s Player:

Robert Lewandowski (Bayern Munich)

Umunyezamu witwaye neza ku isi mu bagore/The Best FIFA Women’s Goalkeeper:

Sarah Bouhaddi (Lyon)

Umunyezamu witwaye neza ku isi mu bagabo/The Best FIFA Men’s Goalkeeper:

Manuel Neuer (Germany/ Bayern Munich)

Umutoza witwaye neza mu bagore/The Best FIFA Women’s Coach:

Sarina Wiegman (Holland)

Umutoza witwaye neza mu bagabo/The Best FIFA Men’s Coach:

Jurgen Klopp (Liverpool)

Igitego cyiza/FIFA Puskas Award:

Son Heung-min – Tottenham Hotspur v Burnley FC [Premier League - England] (7 Ukuboza 7, 2019).

Ikipe y’umwaka mu bagabo: Alisson; Alexander-Arnold, Van Dijk, Ramos, Davies; Kimmich, De Bruyne, Thiago; Messi, Lewandowski, Ronaldo.

Ikipe y’umwaka mu bagore: Endler; Bronze, Renard, Bright; Heath, Boquete, Bonansea, Rapinoe; Cascarino, Miedema, Harder.

Lewandowski yegukanye igihembo cy'umukinnyi w'Indashyikirwa ku Isi mu 2020

Jurgen Klopp yegukanye igihembo cy'umutoza mwiza ku Isi mu 2020

Lucy Bronze yegukanye igihembo cy'umukinnyi mwiza ku Isi mu bagore

Ikipe nziza y'abakinnyi 11 mu mwaka w'imikino wa 2019/20





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Uwizeyimana justin2 months ago
    Frestation kuri Robert turakwemeracyane


Inyarwanda Art Studio

Inyarwanda Art studio
Inyarwanda BACKGROUND