Ikipe ya Manchester United yanganyije na Manchester City ubusa ku busa mu mukino w'umunsi wa 31 muri shampiyona y'u Bwongereza, English Premier League.
Kuri iki Cyumweru itariki 6 Mata 2025 ikipe ya Manchester United yari yakiriye Manchester City kuri Old Trafford Stadium mu mukino w'umunsi wa 31 muri shampiyona y'u Bwongereza English Premier League 2024-25.
Ni umukino watangiye amakipe yombi akinaka imbaraga zidasanzwe ariko Manchester United ikagaragaza inyota yo gutsinda kurenza Manchester City.
Ku munota wa 26 ni bwo Patrick Dorgu wari uhawe umupira na Alejandro Garnacho yananiwe gushyira umupira mu nshundura ngo atsindire Manchester United igitego cya mbere.
Ku munota wa 39 Casemiro yagerageje ishoti ritari rifite imbaraga mu izamu rya Manchester City ariko umuzamu Ederson Moraes afata umupira nta kibazo afite.
Ku munota wa 42 Kevin de Bruyne uherutse gutangaza ko atazongera amasezerano muri Manchester City yacomotse abakinnyi na Manchester United ariko myugariro Leny Yoro atabara ikipe amukuraho umupira awusunikira Andre Onana. Igice cya mbere cyarangiye amakipe yombi anganya ubusa Ku busa.
Igice cya mbere cyarangiye Manchester United na Manchester City binganya ubusa Ku busa
Igice cya kabiri cyagarukanye imbaraga zidasanzwe Ku ikipe ya Manchester City ariko uburyo Phil Foden yabonye Ku munota wa 47 imbere y'izamu rya Manchester United ntiyashoboye kububyaza umusaruro kuko Noussair Mazouraui yamwambuye umupira.
Ku munota wa 57 Manchester United na Manchester City zose zakoze impinduka maze Manchester City ikuramo Phil Foden ishira mu kibuga Jeremy Doku naho Manchester United ikuramo Harry Maguire asimburwa na Nelson Victor Linderof.
Ku munota wa 64 Andre Onana yarokoye Manchester United nyuma yo gukuramo ishoti ryari riturutse kuri Coup franc yatewe neza na Omar Marmoush. Maze Ku munota wa 66 Diogo Dalot yerekwa ikarita y'umuhondo nyuma yo gukurura Jeremy Doku.
Ku munota wa 70 Manchester United yongeye gukora impinduka maze Mason Mount na Jossua Zirkize basimbura Rasmus Hojlund na Manuel Ugarte. Ku munota wa 73 Manchester City nayo yakoze impinduka maze Jack Grealish na Riko Rewis basimbura Ilkay Gundogan na Nico O'Reilly.
Impinduka ku makipe yombi ntacyo zahinduye ku migendekere y'umukino kuko warangiye ari 0-0. Kunganya uyu mukino byatumye Manchester City igira amanota 52 naho Manchester United igira amanota 38.
Manchester United yaguye miswi na Manchester United
Alejandro Garnacho yagerageje biranga
Amakipe yombi yari yakaniye umukino
Eng
RSS 
TANGA IGITECYEREZO