Umunya-Ghana wakiniye Arsenal imyaka itatu, Emmanuel Frimpong, yatunguye benshi agaragaza ko adashimishijwe n'imyitwarire ndetse n'imikinire y'Umusuwisi Granit Xhaka, nyuma yo gukora ikosa ryamuviriyemo ikarita itukura, byatumye ikipe itsindwa na Burnley, bituma isatira umurongo utukura.
Mu mukino w'umunsi wa 12 muri shampiyona y'u Bwongereza, Arsenal yatsindiwe ku kibuga cyayo na Burnley 1-0, Granit Xhaka yihesheje ikarita itukura nyuma yo kuniga mugenzi we Ashley Westwood bari bahanganye, ahita asohoka mu kibuga bituma ikipe ye itakaza umukino.
Uyu musaruro watumye Arsenal isatira umurongo utukura ujyamo amakipe ashobora kumanuka mu cyiciro cya kabiri, binashyira umutoza Mikel Arteta ku gitutu gikomeye cyane. Mu mikino 12 Arsenal imaze gukina muri shampiyona y'uyu mwaka, ifite amanota 13 ikaba iri ku mwanya wa 15.
Nyuma y'uko Xhaka ahawe ikarita itukura, Frimpong yanyarukiye ku rukuta rwe rwa Twitter yandika agira ati "Mugurishe Xhaka, ndazira ubuntu". "Mureke dukore impinduka zihuse".
Frimpong yakiniye Arsenal guhera mu 2011-2014, yayikiniye imikino itandatu, nta gitego yayitsindiye, akaba yarasezeye ku mupira w'amaguru mu mwaka ushize wa 2019.
Ntabwo ari Frimpong gusa wagarutse ku myitwarire ya Xhaka, kuko na Thierry Henry wanditse amateka akomeye muri Arsenal, yavuze ko atakwicara imbere ya Televiziyo areba ikipe ye ya Arsenal ikina, Xhaka yambaye igitambaro cy'ubukapiteni.
Granit Xhaka yanize Ashley Westwood wa Burnley bituma ahabwa ikarita itukura
Xhaka yahise ahabwa ikarita itukura asohoka mu kibuga
Arsenal y'abakinnyi 10 yatsinzwe na Burnley 1-0
Emmanuel Frimpong yakiniye Arsenal imyaka itatu
Eng
RSS 
TANGA IGITECYEREZO