Mu mpera z'icyumweru twasoje mu bice bitandukanye by'Isi imikino yari yakomeje, harimo imwe n'imwe yagaragayemo udushya no gutungurana nk'uwa Ajax Amsterdam yatsinze VVV-Venlo ibitego 13, ndetse na El Clasico yari itegerejwe na benshi, yarangiye Real Madrid yegukanye amanota atatu.
Ku wa Gtandatu tariki 24 Ukwakira 2020, mu Buholandi hakinwaga umunsi wa gatandatu wa shampiyona y'icyiciro cya mbere izwi nka 'Eredivisie' aho ikipe ya VVV-Venlo yari yakiriye AJax, iyi kipe y'ubukombe i Burayi yandagaza Venlo ku kibuga cyayo iyinyagira ibitego 13-0, harimo bitanu bya rutahizamu Lassina Traore.
Ajax yakoze amateka yo gutsinda akavagari k'ibitego byinshi, itsinda ikipe yo mu cyiciro cya mbere mu Buholandi. Kuri uwo munsi kandi muri Espagne hakinwaga umukino wa El clasico, uba uri mu yitegetrejwe mu mwaka w'imikino.
Ku kibuga Camp Nou ntabwo byaguye neza umutoza ronald koeman wahuraga n'ikigeragezo cya mbere cyo gukina na Real Madrid kuva yagirwa umutoza wa FC Barcelona.
Ni umukino FC Barcelona yagerageje gukina neza yiharira umupira mu guhererekanya mu kibuga hagati, ariko Real Madrid iyirusha kubyaza umusaruro amahirwe yabonye, byatumye iminota 90 y'umukino irangira Real Madrid yegukanye amanota atatu ku ntsinzi y'ibitego 3-1, byatsinzwe na Valvelde, Ramos na Modric, mu gihe Ansu Fati yatsinze kimwe cy'impozamarira cya Barcelona.
Ku Cyumweru tariki ya 25 Ukwakira 2020, Premier league mu Bwongereza yari yakomeje, aho ku kibuga Emirates ntabwo mikel Arteta n'abasore be bitwaye neza, kuko batsinzwe na Leicester City 1-0 cyatsinzwe na Jamie Vardy ku munota wa 80, bituma isubira inyuma ku rutonde rusange aho kuri ubu iri ku mwanya wa 10 n'amanota 9 mu mikino 6, ikaba yavuye ku mwanya wa gatanu.
Mu Rwanda hasojwe umwaka w'imikino muri Basketball, aho igikombe cyegukanwe na Patriots BBC itsinze REG BBC ku mukino wa nyuma.
Ni umukino wakurikiwe n'umukuru w'igihugu Paul Kagame ndetse na Minisitiri wa Siporo Aurore mimosa Munyangaju.
Patriots BBC yegukanye igikombe ku nshuro ya gatatu yikurikiranya itsinze REG BBC amanota 76-61.
Mu bagore, igikombe cya Shampiyona cyegukanywe na The Hoops Rwanda itsinze RP-IPRC Huye WBBC amanota 68-63.
Ajax yakoze amateka itsindaibitego 13 muri shampiyona y'u Buholandi
Umunya-Burkina Faso Traore yatsinzemo ibitego 5 anatanga imipira 3 yavuyemo ibitego
Real Madrid yatsinze FC Barcelona yisubiza umwanya wa mbere
Ramos yongeye kubabaza FC Barcelona
Modric yatsinze igitego cya gatatu cya real Madrid
Igitego cya Jamie Vardy cyatumye Arsenal itsindirwa ku kibuga cyayo na Leicester City
Patriots yatsinze REG BBC yegukana igikombe cya shampiyona
Eng
RSS 
TANGA IGITECYEREZO