Impuzamashyirahamwe y'umupira w'amaguru mu karere ka Afurika y'uburasirazuba 'CECAFA' yamaze kwemeza ko irushanwa ry'abatarengeje imyaka 17 ry'uyu mwaka rizabera mu Rwanda mu Ukuboza 2020.
Tariki 10 Ukwakira 2020, muri Tanzania habereye inama ya Komite Nyobozi ya CECAFA, aho yize ku ngingo zitandukanye isozwa hanzuwe ko CECAFA U17 yuyu mwaka izabera mu Rwanda.
Hemejwe ko imikino yo guhatanira itike yo kwerekeza mu gikombe cya Afurika cy’abatarengeje imyaka 17 isigaye ikinirwa mu ma zones.
Iyo muri aka karere ka CECAFA izabera mu Rwanda kuva Tariki 13 kugeza 28 Ukuboza 2020. igahuza ibihugu bisanzwe bibarizwa muri CECAFA.
Ibihugu 10 nibyo bimaze kwemera kuzitabira iri rushanwa, ari byo: u Rwanda, Burundi, Tanzania, Uganda, Sudan y’Amajyepfo, Sudan, Eritrea, Djibouti, Ethiopia na Kenya, bikazagabanywa mu matsinda abiri agizwe n'amakipe atanu.
Mu bindi byemejwe muri iyi nama ni uko amarushanwa y’abatarengeje imyaka 20 azabera muri Tanzania Kuva tariki 22 Ugushyingo kugeza 6 Ukuboza 2020, akazakinwa n’ibihugu birimo Somalia, Burundi, Tanzania, Uganda, Sudani y’Amajyepfo, Sudani, Eritrea, Djibouti, Ethiopia ndetse na Kenya.
Biteganyijwe ko ikipe y'igihugu Amavubi y'abatarengeje imya 17, izatoranywa nubundi mu bakinnyi bakinnye CECAFA y'abatarengeje imyaka 15 yabereye muri Eritrea mu mwaka ushize wa 2019, aho yatahukanye umwanya wa gatatu nyuma yo kunganya n’u Burundi igitego 1-1, ikabutsindira kuri penaliti 4-2.
Eng
RSS 
TANGA IGITECYEREZO