Asaph worship band bakorera umurimo muri Zion Temple Nyarutarama, ku nshuro ya gatatu bagiye gukora igitaramo ngarukamwaka bise 'Glorious Worship Concert'. Icy'uyu mwaka bagitumiyemo Potter's hand worship na Pastor Barnabas.
Muri uyu mwaka wa 2019, Asaph Worship Band yashyize hanze album yitwa Living Sacrifice akaba
ari album ya gatatu. Glorious Worship Concert III ni igitaramo cy'iyi album baherutse gushyira hanze. Iki gitaramo kizaba ku Cyumweru tariki 24/11/2019 kibere kuri New Life Bible Church ku Kicukiro.
Asaph Worship Band yatangarije InyaRwanda.com ko kuri iyi nshuro izakorana n'abandi baramyi bahuje umuhamagaro; Pastor Manyaga Barnabas (Zion Temple CC Gatenga) n'itsinda rya Potter's Hand Worship. Igitaramo kizatangira saa kumi n'imwe z'umugoroba (5pm) kandi kwinjira bikazaba ari ubuntu.
Asaph Worship Band bahaye ikaze buri wese mu mugoroba wo kuramya Imana
Asaph Worship Band ibajijwe impamvu yatumiye Pastor Barnabas ndetse na Potter's hand worship, yadutangarije ko basanze bakwiriye gufatanya n'abo bahuje umuhamagaro. Bati "Kuko twasanze tugomba gufatanya n'abo duhuje umuhamagaro
kugira ngo duhuze imbaraga twamamaze ubutumwa bwiza."
Pastor Barnabas yatumiwe mu gitaramo cya Asaph worship band
Potter's hand worship batumiwe mu gitaramo cya Asaph Worship Band
TANGA IGITECYEREZO