Isigara rimwe ritumukana iminota 17 ku minota umugabo urinyweye yari kuzabaho

Mu bushakashatsi bwanditswe muri British Medical Journal mu mwka wa 2000 bukaba bwarakorewe ku bongereza barenga miliyoni banywa itabi, bwagaragaje ko kunywa itabi ari bumwe mu buryo bwo kwikururira urupfu.

Ubu bushakashatsi bwagaragaje ko byibuze abagabo benshi batakaza iminota 17 ku minota bari kuzabaho nyuma yo kunywa isigara rimwe mu gihe abagore bo batakaza iminota 22 ku isigara rimwe.

Ubushakashatsi bwakoresheje amakuru y’igihe kirekire kandi bwakurikiranye ababwitabiriye imyaka myinshi, bifasha abashakashatsi gusuzuma uko imyitwarire yo kunywa itabi yagize ingaruka ku buzima bwabo uko imyaka yagiye ihita.

Imyanzuro y’ubu bushakashatsi yakuwe mu isesengura ry’imyitwarire yo kunywa itabi, ibibazo by’ubuzima, n’icyizere cyo kubaho, byatumye ibyavuye muri ubwo bushakashatsi bifasha cyane mu gusobanukirwa ingaruka z’igihe kirekire zo kunywa itabi.

Bimwe mu bituma icyizere cyo kubaho cyabo kigabanuka, ni uko kunywa itabi bitera indwara nyinshi cyane harimo ibihaha, kanseri n’indwara za Cardiovascular kandi zose zikaba zidakira.

Ibyavuye mu bushakashatsi bwa Kaminuza ya Oxford byagize uruhare runini mu gushyiraho ingamba zo kurwanya itabi mu rwego rw’ubuzima rusange.

Ibi byose n’ubundi bushakashatsi ni bimwe mu byagize uruhare kubuza abana kunywa itabi no gushyiraho imisoro iremereye ku bacuruza itabi bituma igiciro cyaryo kizamuka cyane.