Ibiganiro birarimbanyije hagati ya FC Barcelona na Neymar

Mu kwezi kwa Mbere ni bwo uyu mukinnyi yaseshe amasezerano n'ikipe ya Al-Hilal yo muri Arabie Saoudite ku bwumvikane bw’impande zombi, yisubirira muri Santos y'iwabo muri Brazil nyuma y'imyaka 12 ayivuyemo.

Nk'uko The Athletic ibyandika,  Neymar yahisemo gusubira muri iyi kipe kugira ngo imufashe gusubira mu bihe bye dore ko yanayisinyiye amezi atandatu gusa.

Iki kinyamakuru gukomeza cyandika ko nta kindi uyu mukinnyi yifuza usibye gusubira muri FC Barcelona yavuyemo muri 2017 yerekeza muri Paris Saint-Germain ndetse ibiganiro birarimbanyije.

Perezida w'ikipe ya FC Barcelona, Joan Laporta afitanye umubano udasanzwe na Pini Zahavi ureberera inyungu za Neymar ndetse ngo ni na ko bimeze ku mutoza Hansi Flick 

Ikintu uyu mukinnyi yumva gisigaye gikomeye kuri we mu buzima bwe bw'umupira w'amaguru ni ugukina igikombe cy'Isi cya 2026 ndetse no kongera gukinira kuri Camp Nou ari muri FC Barcelona.

Mu myaka ine Neymar yamaze muri FC Barcelona yayikiniye imikino 186, atwara Shampiyona ya Espagne inshuro ebyiri, UEFA Champions League ndetse n’Igikombe cy’Isi cy’Amakipe.

Neymar uri mu biganiro na FC byo kuba yayisubiramo mu mpeshyi y'uyu mwaka