Uyu munsi mu mateka: Hatangijwe imyaka 8 y'itotezwa ry'Abakirisitu

Ibintu biba byarabaye kuri iyi tariki mu myaka yashize ni byinshi cyane ariko uyu munsi, InyaRwanda yaguhitiyemo bimwe mu by’ingenzi bidateze kwibagirana mu mateka y’isi.

Bimwe mu byabaye kuri iyi tariki mu mateka:

303: Umwami w’Abaroma Diocletian yategetse isenywa rya Kiliziya ya Nicomedia, byatangije imyaka 8 y’itotezwa ry’Abakirisitu.

1861: Perezida Abraham Lincoln yageze rwihishwa i Washington D.C. yikanga ubwicanyi byavugwaga ko bwamuteguriwe ahitwa i Baltimore muri Leta Maryland.

1898: Umwanditsi Émile Zola yafungiwe mu Bufaransa kubera igitabo kitwa "J’accuse" kuko cyashyiraga mu majwi Leta y’u Bufaransa.

1900: Muri Afurika y’Epfo Ababoers n’Abongereza barwaniye mu ntambara yiswe Hart’s Hill.

1903: Cuba yagurishije Guantánamo Bay kuri Leta Zunze z’Amerika.

1934: Leopold III yabaye Umwami w’u Bubiligi.

1947: Ikigo Mpuzamahanga gishinzwe Ubuziranenge International Organization for Standardization (ISO) cyarashinzwe.

1998: Osama Bin Laden yashyize ahagaragara inyandiko yise fatwa, itangaza intambara ntagatifu ku Bayahudi n’Abakuruwaze ashaka kuvuga Abanyaburayi n’Abanyamerika.

2010: Abagizi ba nabi bamennye litiro miliyoni 2,5 z’amavuta mu mugezi wa Lambro, mu Majyaruguru y’u Butaliyani bitera ikiza cyangiza ibidukikije.

Bamwe mu bavutse kuri iyi tariki:

1954: Viktor Yushchenko, wabaye Perezida wa Ukraine.

1983: Aziz Ansari, umukinnyi wa filime n’umunyarwenya w’Umunyamerika ukomoka mu Buhinde.

1983: Mido, umukinnyi wa football w’Umunyamisiri.

1986: Emerson da Conceição, umukinnyi wa football w’Umunyabrezili.

1986: Skylar Grey, Umuririmbyi n’umwanditsi w’indirimbo w’Umunyamerika

1992: Kyriakos Papadopoulos, umukinnyi wa football w’Umugiriki.

Bamwe mu bitabye Imana kuri iyi tariki:

2007: John Ritchie, umukinnyi wa footballer w’Umwongereza.

2008: Paul Frère, Umubiligi wakinaga isiganwa ry’imodoka, ndetse n’umunyamakuru w’uyu mukino.

2010: Orlando Zapata, uwahariraga uburenganzira bwa muntu muri Cuba.