Umugabo w'imyaka 87 n'umugore w'imyaka 26 bari mu munyenga w'Urukundo rudasanzwe

Umugore w’imyaka 26, n’umugabo we Charles w’imyaka 87, bamaze imyaka itatu babana, bakomeje guhangana n’abantu babavugaho nabi kubera icyemezo cyabo cyo kubana nubwo bafite ikinyuranyo cy’imyaka 61. 

Miracle na Charles Pogue batuye mu mujyi wa Starkville, muri leta ya Mississippi, muri Leta Zunze Ubumwe za Amerika

Ikinyamakuru The Scottish sun kivuga ko bamaze igihe bagaragara ku mbuga nkoranyambaga, aho bahura n’ibitekerezo byinshi bibi, harimo n’abavuga ko urukundo rwabo ari nk’“igishushanyo cy’ubucuruzi.” Nyamara, kuri bo, ntacyo bitwaye, ndetse bakomeje gusangira ibyishimo byabo.

Miracle yavuze ko yumvise umubano wabo ukeneye kubaho, kandi ko atitaye ku myaka Charles afite. Ati: "Nazi ko ari mukuru, ariko sinari nzi neza imyaka ye. Iyo nabonaga ko ndi gukunda, byari bibe byararangiye, ni mu minsi mike gusa." Charles na we yavuze ko afata urukundo rwabo nk'urw'ukuri kandi ko abona Miracle afite byose byiza.

Mu gihe abenshi bashimangira ko urukundo rwabo ari urw'imikoranire, harimo abantu benshi bashimye ibyo bakora, nubwo hari abakivuga nabi.

Urugero, umwe mu bashyizeho igitekerezo yavuze ati: “Abantu bahora bavuga ku byishimo by'abandi kuko bafite agahinda. Aha ni ho abavuga nabi baturuka.” Iyi nkuru yagiye ahagaragara ku rubuga rwa Kennedy News.

Nubwo bahura n’ibitekerezo bibi, Miracle na Charles bagaragaje umunezero kandi ntibatezuka mu nzira y'urukundo rwabo. Ni urukundo rwishimiwe cyane, cyane cyane ko bashaka kubaka urugo rufite abana.

Bagamije kugana mu kigo cya IVF kugira ngo babone abana babo, kandi banashimangiye ko bagiye gushyira imbere ibyishimo byabo kuruta icyo abandi babitekerezaho.

N'ubwo bafite imyaka itandukanye cyane, Miracle na Charles bagaragaje ko urukundo nyakuri nta ntera igifite.

Bari mu kibatsi cy'urubyiruko 

Umwanditsi: Kubwayo Jean de la Croix