Amatike y'ibitaramo bya Beyoncé yatangiye kugurishwa

Beyoncé yatangaje gahunda y'ibitaramo bya "Cowboy Carter Tour" biteganyijwe mu 2025, aho azajya mu bitaramo binyuranye ku isi, harimo no mu Bwongereza. 

Ibi bitaramo bizatangira muri Mata 2025, aho Beyoncé azabimburira ibitaramo bye muri Leta Zunze Ubumwe za Amerika, akajya mu Bwongereza muri Kamena 2025.

Beyoncé azagaragara ku rubyiniro mu Bwongereza mu mpera z'ukwezi kwa Kamena 2025. 

Amatariki y'ibitaramo azaba ari tariki ya 1, 3, 4, 7, 8 na 11 Kamena 2025, bizabera muri Tottenham Hotspur Stadium mu mujyi wa Londres, uzwiho kwakira imikino y’amakipe akomeye ndetse n’ibindi bikorwa by’umuziki.

Amatike yatangiye kugurishwa ku rubuga rwa Ticketmaster ku itariki ya 14 Gashyantare 2025, ahazatangira ku biciro byo hasi bya £71.60, naho amatike y'icyubahiro (VIP) azagera ku biciro bya £950. 

Kuri bamwe mu bafana ba Beyoncé, kubona amatike bizaba bigoye kubera umubare munini w'abifuza kuza kuyumva, bityo abateganya kujya mu bitaramo basabwa kwitegura hakiri kare no gukurikirana amakuru atangwa n’urubuga rwa Ticketmaster.

BBC news ivuga ko nubwo Ibiciro by'amatike byakomeje kwiyongera muri iyi myaka, ndetse Ben Archer, umwe mu bafana bakomeye ba Beyoncé, yavuze ko byashoboraga kubuza abantu benshi kujya muri ibi bitaramo niba ibiciro byari hejuru. 

Mu bihe byashize, ibiciro by'amatike byari biri hasi ugereranyije n'ibi bihe, ariko abafana b’uyu muhanzikazi barizeza ko nubwo ibiciro byiyongereye, bazakomeza kujya muri ibi bitaramo.

Hari ibitaramo bikomeye bizaba muri uyu mwaka, harimo n'ibitaramo by'umuhanzi Ozzy Osbourne na Black Sabbath, hamwe n'abahanzi nka Kendrick Lamar, Patti Smith, Beck na Smashing Pumpkins. 

Ibi bitaramo byose bizahurira mu minsi imwe, bigatuma abafana bashobora guhitamo guhora batse amakuru menshi, kandi bagomba kugenzura igihe n'ahantu bizabera.

Ku bafana ba Beyoncé, ni ngombwa gukurikirana neza amakuru atangwa ku rubuga rwa Ticketmaster kugirango bibafashe kubona amatike mu buryo bwihuse.

Umwanditsi : Kubwayo Jean de la Croix