Zabyaye amahari hagati ya Kendrick Lamar na Drake

Iyi ndirimbo igaragaza amakuru atariyo yerekana ko Drake n'abandi bantu bamukikije ari abanyabyaha, bakwiye kwandikwa ku rutonde rw'abantu basuzuguritse mu muryango.

Mu nyandiko zashyikirijwe urukiko muri New York, abavoka ba Drake bashinja Label y'umuziki ko yakoze ubushotoranyi bwo gushyira hanze indirimbo yateje ishyaka kugira ngo ikundwe mu buryo budakwiye. 

Bavuga ko yatangaje amakuru y'ibinyoma avuga ko Drake yangiza abana, ndetse bikaba bigamije kumusebya nk'uko biri mu nkuru ducyesha BBC.

Iyi kipe y'abavoka ya Drake itangiye nyuma y'amasaha 24 aturutse ku kuburanisha ikirego cyatanzwe mbere, aho yashinjaga UMG na Spotify kuba bari bahuriye mu gukora uburiganya bwo kwongera Streams za "Not Like Us", mu buryo bwo kugabanya indirimbo za Drake mu buryo bw’umwihariko. 

Yavuze ko Universal yahawe uburenganzira bwo gukoresha iyo ndirimbo ku giciro gito cyane, ndetse igashyiraho uburyo bwo kwihutisha umubare wabayikurikirana, byatumye igaragara nkaho inkunzwe kuruta izindi.

Spotify nayo yahakanye ibyo byavuzwe na Drake, igaragaza ko nta mpamvu z’amafaranga zari zibazanye ngo bashyire imbere Not Like Us kuruta indirimbo za Drake. Nyuma yo kubonana n'abahuza bo muri UMG na Spotify, Drake yahise yikura muri icyo kirego. 

Nyuma y'ukwezi kumwe, ikirego gishya cyaje kivugwa ku itariki ya 16 Mutarama 2025, aho abavoka ba Drake bashinja Universal gukorana n’umuhanzi Kendrick Lamar mu gukwirakwiza ibinyoma bihungabanya ubuzima bwa Drake. 

Ubu bushinjacyaha bwemeza ko ibikorwa by’ubuyobozi bwa UMG byateye impungenge mu mutekano wa Drake nyuma y'uko indirimbo Not Like Us yashyirwaho igishushanyo cyagaragaje amafoto y'urugo rwa Drake mu buryo buhuye n’ibimenyetso by’abana bashinja ibyaha by’ubusambanyi.

Iyi nkuru yaje gukurura impaka nyinshi kumbuga zitandukanye no mu itangazamakuru, aho bamwe bagereranyije iyi mvururu n’inkuru yiswe "Pizzagate", aho habaye igitero cy’umurwanyi ku kigo cyavugwaga ko kirimo abana bashimuswe mu 2016. 

Gusa abavoka ba Drake bavuga ko ibi byose bidahuye n'ibitekerezo by’umuhanzi Kendrick Lamar, ahubwo ari uburyo bwa Universal bwo gukoresha indirimbo y'ibinyoma kugira ngo izamurwe.

N'ubwo indirimbo Not Like Us yamenyekanye cyane kandi ikaba yaratsindiye ibihembo byinshi harimo na Grammy Awards, kandi ikaba itanga ibitekerezo byinshi, abavoka ba Drake barasaba ko habaho kugenzura no kugarura isura ye y'umwuga mu buryo bw’ubutabera. 

Ubu bushinjacyaha bwibanda ku gusaba ko Universal igira inshingano ku buryo ishyira imbere uburenganzira bw’umuhanzi no kubungabunga umutekano we.

Umuraperi wo muri America, Drake akomeje gutanga ibirego aharanira ubusugire bw'izina rye

Umuraperi Kendrick Lamar akomeje gushinjwa gukoresha amagambo asebya Drake mu ndirimbo "Not like us"