Iby'Imikino y'igikombe cya Afurika cy’Abakina imbere mu bihugu byabo (CHAN 2024) bikomeje kuba urujijo aho hari amakuru avuga ko rishobora gusubikwa naho CAF yo ikerekana ko rizakinwa.
Guhera tariki ya 1 kugeza tariki ya 28 mu kwezi gutaha kwa Gashyantare ni bwo iri rushanwa rizitabirwa n'ibihugu 19 ritgerejwe ariko nk'uko byatangajwe n'ikinyamakuru beIN Sports, impuzamashyirahamwe y'umupira w'amaguru ku mugabane w'Afurika, CAF irateganya kurisubika rikazakinwa mu kwezi kwa Kanama muri uyu mwaka.
Zimwe mu mpamvu zishobora gutuma imikino ya CHAN 2024 yimurwa harimo ikibazo cy'ibikorwa remezo, ikibazo cya sitade zizayakira no kuba amakipe 19 azayikina atari yaboneka. Ibi bije nyuma y'uko Kenya izakira iyi mikino ikiri mu bikorwa byo kubaka sitade izakoresha ndetse bikaba byaravuzwe ko u Rwanda rushobora kuyisimbura.
Nubwo haje aya makuru ariko CAF yo ikomeje kwerekana ko iri rushanwa rizakinwa. Ibinyujije ku mbuga zayo, iri gutangaza ko ejo kuwa Gatatu hazaba tombola yaryo mu gihugu cya Kenya.
Ibihugu bimaze kubona itike y'iri rushanwa ni Kenya, Tanzania, Uganda, Morocco, Guinea, Senegal, Mauritania, Niger, Burkina Faso, Nigeria, Central African Republic, Democratic Republic of Congo, Congo, Sudan, Zambia, Angola na Madagascar.
Eng
RSS 
TANGA IGITECYEREZO