Impuzamashyirahamwe y'umupira w'amaguru ku mugabane w'Afurika (CAF), yasubitse irushanwa Nyafurika rihuza abakinnyi bakina imbere mu gihugu CHAN 2024, kubera imbogamizi zirimo ibikorwaremezo.
Ibi CAF yabyemeje ku mugoroba wo kuri uyu wa Kabiri tariki ya 14 Mutarama 2025 nyuma y'uko aya makuru yari yabanje gucaracara mu binyamakuru bitandukanye. Iri rushanwa ryari riteganyijwe kuzakinwa tariki ya 1 Gashyantare kugeza ku ya 28 Gashyantare 2025 gusa ryimuriwe muri Kanama.
CAF yavuze ko yarisubutse nyuma yuko igiriwe inama na zimwe mu mumpuguke zayo aho zasanze kugira ngo ibikorwaremezo byo muri Kenya, Uganda na Tanzania bizabe biri ku rwego rwiza rwo kwakira CHAN bigikeneye igihe kirekire cyo gutegurwa.
Ibi bije nyuma yuko Kenya izakira iyi mikino ikiri mu bikorwa byo kubaka sitade izakoresha ndetse bikaba byaravuzwe ko u Rwanda rushobora kugisimbura. Ni mu gihe kandi ibihugu bizarakina hamaze kumenyekana 17 muri 19.
Nubwo CHAN 2024 yigijwe inyuma ariko ku munsi w'ejo kuwa Gatatu hazaba tombora yuko amakipe azahura, ikaba izabera muri Kenya.
Ibihugu bimaze kubona itike y'iri rushanwa ni Kenya, Tanzania, Uganda, Morocco, Guinea, Senegal, Mauritania, Niger, Burkina Faso, Nigeria, Central African Republic, Democratic Republic of Congo, Congo, Sudan, Zambia, Angola na Madagascar.
CAF yasubitse imikino ya CHAN 2024 yari itegerejwe mu kwezi gutaha
Eng
RSS 
TANGA IGITECYEREZO