Umukinnyi w'ikipe y'igihugu ya Brazil na Al Hilal, Neymar Jr yakoreye amafaranga arenga miliyari 1.2 y'amafaranga y'u Rwanda kuri buri mupira yakozeho mu mwaka ushize wa 2024 nyuma y'uko ahuye n'ibibazo by'imvune.
Mu mpeshyi ya 2023 ni bwo uyu mukinnyi yavuye mu ikipe ya Paris Saint-Germain yari amazemo imyaka 6, yerekeza mu ikipe ya Al Hilal yo muri Arabia Saudite. Neymar yari irindi zina rikomeye mu mupira w'amaguru rigiye muri iki gihugu nyuma y'abarimo Cristiano Ronaldo, Benzema, Mahrez, Mané, Seko Fofana...
Kimwe n'abandi nawe yasinye amasezerano amwemerera kubona ibifurumba by'amafaranga aho ahembwa amafaranga arenga miliyari 101 z'Amanyarwanda dore ko aza no muri 3 bahembwa amafaranga menshi ku Isi nyuma ya Cristiano Ronaldo wa mbere na Lionel Messi wa Kabiri.
Nubwo Neymar ahembwa na Al Hilal amafaranga menshi ariko asa nkaho yayihombeye bijyanye n'uko kuva yayigeramo ahorana ibibazo by'imvune.
Mu mwaka ushize wa 2024 yayikiniye iminota 42 gusa aho yakoze ku mipira 42 muri iyi mikino ibiri yakinnye. Bijyanye n'amafaranga yahembwe muri iyj mwaka wose nibura buri mipira ibiri yakoragaho yari afite agaciro k'amafaranga arenga miliyari 1.2 y'amafaranga y'u Rwanda.
Kugeza n'ubu Neymar Jr aracyafite ikibazo cy'imvune gusa ntabwo bizwi igihe azasubirira mu kibuga.
Neymar yakoreye arenga miliyari 1.2 Frw kuri buri mupira yakozeho muri 2024
Eng
RSS 
TANGA IGITECYEREZO