Marcus Rashford mu nzira isohoka kuri Old Teafford

Rashford, w’imyaka 27, yatangiye gushaka gutekereza mashya mu rwego rwo  kugarura izina rye n’ubuhanga bye bitagishamaje ndetse bitagikurura abakunzi ba Man United.

Nyuma yo kutabanza mu kibuga mu mukino ikipe ye yatsinzwemo na Newcastle ibitego 2-0, byabaye ikimenyetso cyerekana ko atagifite umwanya uhagije muri gahunda z’umutoza Ruben Amorim. Uyu mukino wabaye nyuma y’iminsi 18 Marcus adakina kandi nubwo ikipe yari ikeneye impinduka, umutoza yahisemo kwinjiza Alejandro Garnacho na Antony mu kibuga aho guha Rashford amahirwe.

Amakuru avuga ko Rashford yatangiye ibiganiro n’ikigo Stellar, cyagize uruhare mu guhuza Gareth Bale na Real Madrid mu masezerano ya Miliyoni £86 mu 2013. Bityo icyo kigo kikaba cyamufasha gushaka uko yajya muri Real Madrid cyangwa akajya mu yindi kipe imwifuza.

Manchester United nayo ishobora kuba yiteguye kumugurisha muri uku kwezi kwa Mutarama, kuko gusezerera abakinnyi nka Rashford byafasha iyi kipe kwirinda ibihano by’amategeko y’ubukungu azwi nka Profit and Sustainability Rules. Rashford, nk’umukinnyi ukomoka mu Bwongereza, afite agaciro gakomeye mu mategeko agenga isoko ry’abakinnyi.

Man United ni ikipe yifuza kuzana Nuno Mendes, umukinnyi w’umuhanga wa Paris Saint-Germain, wagize uruhare rukomeye muri Sporting Lisbon igihe yari kumwe n’umutoza Ruben Amorim. Mendes, w’imyaka 22, ashobora kugurwa miliyoni £45, ariko ikipe izemererwa gukora ibi mu gihe yagurishije abakinnyi nka Rashford.

Stellar, sosiyete y’abajyanama b’abakinnyi izwiho gufasha abakinnyi b’ibirangirire gukora amasezerano akomeye, ifite inshingano zikomeye zo gufasha Rashford kubona ikipe azongera kwisangamo.

Uyu mwanzuro ushobora guhindura byinshi ku hazaza ha Rashford, cyane ko yifuje kugera ku rwego rukomeye atari muri Man United.

Abakunzi b’umupira w’amaguru bategerezanyije amatsiko aho uyu mukinnyi ashobora kwerekeza haba mu Butaliyani, Espagne cyangwa mu Barabu aho amafaranga akomeye arimo gukurura abakinnyi benshi ndetse n’ahandi