Ibintu 20 byaranze uruganda rw’imyidagaduro nyarwanda mu 2024- VIDEO

Abahanzi bakomeje kwigaragaza ku rwego mpuzamahanga, ibitaramo bikomeye byongeye guhuza abantu, naho ikoranabuhanga rikomeza guhindura isura y’uru ruganda. 

Muri iyi nkuru, turagaruka ku bintu 20 by’ingenzi byaranze imyidagaduro mu 2024, bishimangira uburyo uru ruganda rukomeje gufata intera mu Rwanda no hanze yarwo.”

Wabaye umwaka udasanzwe ku kuzamuka kw'abahanzi bashya mu njyana ya Hip hop:Mu myaka irindwi ishize, uruganda rw'imyidagaduro rwungutse abahanzi benshi mu njyana ya Hip hop, barimo Ish Kevin, Bushali, B Threy, Zeo Trap, n'abandi.

2024, kandi wabaye mwiza wo gushyira imbere kw'ibikorwa by'imyidagaduro, aho abantu batandukanye, barimo n'abahoze ari ba Nyampinga, bagiye batabariza uruganda rw'imyidagaduro, basaba ko rwitabwaho nk'isoko y'inyungu mu gihugu.

Ibitaramo n'amarushanwa kandi byongeye gutegurwa: Nyuma y'igihe ibikorwa by'imyidagaduro bihagaze kubera icyorezo cya Covid-19, ibitaramo n'amarushanwa byongeye gutegurwa, bifasha abahanzi kongera kugaragara no kwegera abafana babo.

Abahanzi benshi batangiye gukoresha imbuga nkoranyambaga nka YouTube, Instagram na TikTok mu kumenyekanisha ibihangano byabo, bikabafasha kugera ku bafana benshi haba mu gihugu no mu mahanga.

Abahanzi nyarwanda kandi batangiye kwitabira amarushanwa mpuzamahanga, bikabafasha kumenyekanisha umuco nyarwanda no kwagura isoko ry'ibihangano byabo.

Hagiye hashyirwaho gahunda zitandukanye zigamije gushyigikira impano z'urubyiruko mu myidagaduro, harimo amarushanwa yo kuririmba, kubyina, no gukina ikinamico.

Abahanzi kandi batangiye gukorana n'ibigo mpuzamahanga mu gusakaza ibihangano byabo, bikabafasha kugera ku isoko mpuzamahanga no kongera inyungu.

Abahanzi nyarwanda banakomeje gukorana n'abahanzi bo mu karere ka Afurika y'Iburasirazuba, bikabafasha kumenyekanisha umuziki nyarwanda mu bihugu by'abaturanyi.

Leta yashyizeho amategeko n'amabwiriza agenga uruganda rw'imyidagaduro, hagamijwe kurengera uburenganzira bw'abahanzi no guteza imbere umwuga wabo.

Hafunguwe amashuri n'amahugurwa atandukanye yigisha imyuga y'imyidagaduro, bikafasha kongera ubumenyi n'ubushobozi mu ruganda.

Hashyigikiwe abahanzi bafite ibihangano by'umwimerere, hagamijwe guteza imbere umuco nyarwanda no kurwanya kwigana ibihangano by'abandi. 

Ibikorwa by'imyidagaduro byatangiye kugera no mu ntara, bifasha abahanzi bo mu bice bitandukanye kugaragaza impano zabo no kwegera abafana.

Hashyigikiwe kandi ikorwa rya filime nyarwanda, hagamijwe guteza imbere uruhererekane rw'inkuru z'umuco nyarwanda no kongera umubare w'abakunzi ba sinema.

Hagiye hashyirwaho ibihembo bitandukanye bigenerwa abahanzi bitwaye neza mu byiciro bitandukanye, bikabatera ishyaka ryo gukora cyane no guhanga udushya.

Ibikorwa byo kumurika imideli byatangiye kwitabwaho, bifasha abahanzi n'abamurika imideli kugaragaza impano zabo no guteza imbere umwuga wabo.

Ikiganiro kiboneka kuri shene ya Youtube ya InyaRwanda TV, kigaragaza muri rusange uko umwaka wa 2024 wagenze muri ‘Showbiz’. Ni umwaka watangiranye n’indirimbo ‘Teta’ ya QD, Akayobe ya Manick Yani ‘Wait’ ya Kivumbi King n’izindi.

Muri Gashyantare kandi yasohotse indirimbo ‘Bana’ ya Chriss Eazy, ikurikirwa n’ibirori bya Rwanda Day byabereye mu Mujyi wa Washington muri Leta Zunze Ubumwe za Amerika.

Ni umwaka kandi waranzwe n’ihangana rya hato na hato rya The Ben na Bruce Melodie, kugeza ubwo muri Gicurasi 2024, bombi bafashe icyemezo cyo kureka iyi ntambara y’amagambo.

Uyu mwaka kandi wabayemo igikorwa kidasanzwe mu rugendo rw’u Rwanda, kuko habayemo amatora y’Umukuru w’Igihugu, ari nabwo Bwiza na Bruce Melodie basohoraga indirimbo ‘Ogera’ yamamaye mu buryo bukomeye.

Ni umwaka kandi wasize, hari bamwe mu bantu bazwi mu ruganda rw’imyidagaduro bitabye Imana. Ariko kandi inkuru za Nyarwanya Innocent [Yago] na Murungi Sabin ntizasibye mu bitangazamakuru by’imbere mu gihugu.

Umwaka wa 2024 ntiwahiriye kandi Miss Muheto kuko yatawe muri yombi, araburana aza gufungurwa. Ni mu gihe Sengabo Jean Bosco wamamaye nka Fatakumavuta yafunzwe tariki 19 Ukwakira 2024, ndetse umwaka warangiye afungiye i Mageragere.

Ni umwaka kandi udasanzwe kuri The Ben, kuko warangiye yiyunze na Coach Gael, ibyatumye indirimbo ‘Sikosa’ isohoka. Uyu mwaka kandi wapfundikiwe n’ubukwe bwa Miss Nishimwe Naomie na Michael Tesfay, bwabereye mu Intare Conference Arena ku wa 29 Ukuboza 2024.

Ku wa 29 Ukuboza 2024, Miss Nishimwe Naomie yahamije isezerano rye n'umugabo we Michael Tesfay 

Ku wa 29 Ukwakira 2024, Polisi y'u Rwanda yasohoye itangazo ivuga ko dosiye ya Miss Muheto yoherejewe mu Bushinjacyaha Ku wa 19 Ukwakira 2024, Sengabo Jean Bosco uzwi nka Fatakumavuta yatawe muri yombi n'Urwego rw'Igihugu rw'Ubugenzacyaha, RIB 

Ku wa 27 Nyakanga 2024, Nyiransengiyumva Valentine 'Dorimbogo' yitabye Imana 

Ku wa 15 Nzeri 2024, The Ben yiyunze na Coach Gael nyuma y'igihe kinini

Bruce Melodie na Bwiza bakoranye indirimbo 'Ogera' ishyigikira Perezida Paul Kagame    

KANDA HANO UBASHE KUREBA IKIGANIRO CYIHARIYE KIGARAGAZA IBINTU 20 BYARANZE SHOWBIZ MU2024

">