Champions League: Liverpool yakomeje guhana, Real Madrid na PSG zirikosora

Mu ijoro ryo kuri uyu wa Kabiri tariki 10 Ukuboza 2024 ibirori bya ruhago byari umuriro ku mugabane w’u Burayi ubwo hakinwaga imikino wa UEFA Champions League.

Imikino yakinwe kuri uyu wa Kabiri, iyari tegerejwe cyane harimo Real Madrid na Atalanta, Bayern Munich na Shaktar Donenst, Aston Villa na RB Leipzig, Liverpool na Girona ndetse n’umukino wahuije Bayer Leverkusen  na Inter Milan.

Imikino yabanje gukinwa mbere, Liverpool ibifashijwemo na Penaliti ya Mohammed Salah, yatsinze Girona igitego kimwe ku busa, iguma kuba iya mbere mu rutonde rwa UEFA Champions League n’amanota 18.

Umukino wahuje Real Madrid na Atalanta, watangiranye amahirwe adasanzwe ku ikipe ya Real Madrid kuko ku munota wa 10 gusa, umufaransa Kylian Mbappe yafunguye amazamu.

Real Madrid itaragaragaje intangiriro nziza z’uyu mwaka w’ikimino igice cya mbere kigiye kurangira yongere kugaragaza ko itari iyo kwizerwa maze Charles De Ketelaere atsindira Atalanta igitego cyo kwishyura kuri penaliti, igice cya mbere kirangira amakipe yombi anganya igitego kimwe kuri kimwe.

Igice cya kabiri kikigaruka, Atalanta yatangiranye imbaraga zidasanzwe, kuko umunya Nigeria Ademola Lookman yateye ishoti rikomeye mu izamu rya Real Madrid, ariko umuzamu Thibaut Courtois awukuramo, atuma Atalanta idatanga Real Madrid gutsinda igitego cya kabiri.

Ku munota wa 56 na 59, umunya Brazil Vinicius Junior n’Umwongereza Jude Bellingham batsinze ibitego bibiri bya Real Madrid, batuma itangira kuyobora umukino ifite ibitego bitatu kuri kimwe cya Atalanta.

Ku munota wa 65’ Atalanta yongeye kugaruka mu mukino, nyuma y’uko umunya Nigeria Ademula Lookmann yatsinze igitego cya kabiri, batangira gukina barushwa igitego kimwe na Real Madrid.

Umukino warangiye Real Madrid itsinze ibitego bitatu kuri bibiri bya Atalanta, igira amanota 9.

KylianMbappe yafashije Real Madrid gutsinda Atalanta

Real Madrid yatsinze Atalanta, igaruka mu bihe byiza muri Champions League

Mu yindi mikino, Bayern Munich ibifashijwemo na Thomas Muller, Kornad laimer, Jaamal Mna Michael Olise watsinze ibitego bibiri, yatsinze Shaktar Donest ibitego bitanu kuri kimwe, icya Shaktar cyatsinzwe na Kevin.

Mu yindi mukino, Paris Saint Grimain yatsinze Salsburg ibitego bitatu ku busa, Bayer Leverkusen itsinda Inter Milan igitego kimwe ku busa, Aston Villa itsinda Leipzig ibitego bitatu kuri bibiri. 

Ikimino ya UEFA Champions League irakomeza kuri uyu wa Gatatu, Arsenal ikina na AS Monaco, Barcelona na Brussia Dortmund na Juventus na Man City mu mikino ikomeye iteganyijwe.