The Ben yakuriye ingofero Ross Kana

Uyu mwaka urangiye umuhanzi Ross Kana akoze indirimbo ebyiri gusa arizo “Mami” aheruka gushyira hanze na “Sesa” imaze amezi arenga 10 iri hanze.

Ku ndirimbo 'Mami', Ross Kana yari yarateguye kuyifatira amashusho mu gihugu cya Ethiopia ariko nyuma aza guhindura ayafatira mu gihugu cya Kenya kubera ko indirimbo yari agiye kuhakorera yasanze itaba imeze neza nk'uko yabiteguye.

Nubwo benshi bazi ko The Ben atari yahuza neza na Coach Gael nyiri 1:55AM nubwo batangaje ko biyunze, The Ben yakuriye ingofero Ross Kana, atangaza ko ariwe muhanzi wakoze amashusho meza muri uyu mwaka wa 2024 urimo kugana ku musozo.

Mu butumwa yanyujije ku rubuga rwa Instagram, The Ben yagize ati “Twese twakoze amashusho meza uyu mwaka ariko ariko iyi ndirimbo Mami ya Ross Kana niyo ndirimbo y’umwaka. Ntewe ishema nawe mwami muto''.

Muri uyu mwaka, The Ben nawe amaze gushyira hanze indirimbo ebyiri arizo Plenty na Ni Forever gusa akaba ari mu myiteguro yo gushyira hanze album nshya yari amaze imyaka igera kuri itanu ateguje abafana be hakaba hariho n’indirimbo yakoranye na Kivumbi bise My Name.

Mu mboni ze, The Ben asanga Ross Kana ariwe wakoze indirimbo ifite amashusho meza muri uyu mwaka


Indirimbo Mami niyo Ross Kana aheruka gushyira hanze

Reba amashusho y'indirimbo Mami The Ben avuga ko ariyo mashusho y'umwaka

">