Rutahizamu wa Benfica, Angel Di Maria w’imyaka 36, yatangaje ko yatangiye kwiga amasomo yo kuba umutoza kugira ngo azakomeze urugendo rwe mu mupira w’amaguru nyuma yo gusoza imyaka 20 akina ku rwego rwo hejuru.
Di Maria wamenyekanye cyane mu makipe akomeye nka Real Madrid, Manchester United na Paris Saint-Germain, amaze kugira uruhare rukomeye muri Benfica.
Muri uyu mwaka w’imikino, amaze gutsinda ibitego bitanu no gutanga imipira ibiri yavuyemo ibitego mu mikino 14. Harimo n’igitego yatsinze mu mukino wa Champions League ubwo batsindaga Atletico Madrid ibitego 4-0 mu kwezi gushize.
Mu kiganiro yagiranye n’ikinyamakuru Clank Media, Di Maria yavuze ko yahisemo kwiga iby’ubutoza kuva ku myaka 30 ubwo yatangiraga kubona umupira w’amaguru mu buryo bushya bw’imikinire.
Ati:"Natangiye kubona umukino mu buryo butandukanye. Narebye uburyo umutoza asoma umukino w’uwo bahanganye, aho bitarangirira ku kwitoza no gukina gusa nk’umukinnyi, ahubwo bigasaba gufata ibyemezo bikomeye, gutegura byose no gukoresha igihe kinini."
"Nyuma yo
guhagarika gukina, nzabanza ntegereze igihe cyo kugumana n’umuryango wanjye.
Ariko nyuma yaho ntekereza ko nshobora kugera mu mwanya wo gutoza."
Di Maria watwaranye n’ikipe y’igihugu ya Argentina
Igikombe cy’Isi cya 2022 n’ibikombe bibiri bya Copa America, yahagaritse gukina
ku rwego mpuzamahanga muri Nyakanga uyu mwaka.
Uyu mukinnyi wagarutse muri Benfica avuye
muri Juventus,
afite amasezerano azageza muri Kamena 2025. Mu myaka ye myiza muri ruhago,
yabaye icyitegererezo ku bakinnyi benshi ku isi, kandi ashobora kuzakomeza iyi
nzira nk’umutoza.
Eng
RSS 
TANGA IGITECYEREZO