Young Thug yakatiwe imyaka 15 isubitse ahabwa amabwiriza akakaye

Jeffrey Lamar Williams umuraperi akaba n'umwanditsi w'indirimbo wamamaye ku izina rya Young Tung, yari amaze imyaka 2 n'igice muri gereza ari nako yitaba urukiko aburana ku byaha yashinjwaga birimo kuba umuyobozi w'agatsiko kitwa 'YSL' gacuruza ibiyobyabwenge n'imbunda zitemewe n'amategeko.

Uyu muraperi kandi yanashinjwaga kugira uruhare mu mirwano irimo amasasu yanahitanye abantu mu mujyi wa Atlanta n'ibindi. Ku wa Kane w'iki cyumeru nibwo yitabye urukiko gusomerwa umwanzuro ku byaha ashinjwa yanemeyemo bitatu.

Umucamanza mukuru w'urukiko rwa Atlanta witwa Paige Whitaker yavuze ko urukiko rwasanze ahamwa n'ibyaha ashinjwa icyakoze kuko yari amaze imyaka 2 n'igice afunze ndetse akanemera ibyo byaha, byatumye agabanyirizwa igihano.

Yavuze ko akatiwe imyaka 15 isubitse ndetse ko yahita afungurwa. Icyakoze urukiko nubwo rwamuhaye igifungo gisubitse, rwahise rumushyiriraho amabwiriza akomeye benshi bavuga ko atazapfa kuyubahiriza.

Young Thug yategetsweko muri iyi myaka 15 isubitse agomba kugoramo amasaha 100 igihano nsimbura gifungo cy'amaboko, kwitaba buri cyumweru agasusumwaniba nta nzoga cyangwa itabi anywa. Ikindi kandi yategetweko azamara imyaka 10 adakoza ikirenge cye mu mujyi wa Atlanta uretse aje mu minsi mikuru y'ubukwe bw'umunyamuryango we cyangwa aje gushyingura umunyamuryango we.

Young Thug w'imyaka 33 wibitseho ibihembo bya Grammy Awards, ni umwe mu baraperi bakomeye muri Amerika, yakunzwe mu ndirimbo nka 'Power', 'Relationships', 'Lifestyle', 'About Money', n'izindi. Yanakoranye n'abandi bahanzi bakomeye barimo n'abo muri Afurika nka Davido.

Young Thug yakatiwe igifungo cy'imyaka 15 isubitse

Yahawe amabwiriza akakaye arimo kumara amasaha 100 y'imirimo nsimbura gifungo, imyaka 10 atagera mu mujyi wa Atlanta hamwe n'uko azajya asuzumwa buri cyumweru ko ntabiyobyabwenge anywa

Young Thug yatangiye kwamamara kuva mu 2013