Uko bwije n’uko buKeye, umuziki wo kuramya no guhimbaza Imana mu Rwanda ugenda wagura imbago bijyanye n’impano nshya zigenda zivuka kandi zitanga icyizere.
Umwe muri izi mpano, ni
Munezero Rhamis [Rhamis] wiyemeje gufatanya n’abandi baramyi nyarwanda urugendo
rwo guhindura imitima ya benshi binyuze mu ndirimbo zikubiyemo ivugabutumwa
rihindurira benshi gukurikira inzira y’agakiza.
Munezero Rhamis ni umusore
ukiri muto wavutse ku babyeyi b'abanyarwanda, akaba yaravukiye mu Mujyi wa
Kigali mu Karere ka Kicukiro. Iwabo ni umwana wa gatatu, akaba akiri ingaragu
yakijijwe mu 2015, akarusho akaba akunda kuramya Imana. Asengera mu itorero ryitwa Christ is the Foundation Church (CFC).
Ubwo yaganiraga na
InyaRwanda, Rhamis yavuze ko nta gishya kidasanzwe azanye kitari ‘Kristo
wabambwe akazuka ku bwacu.’
Yatangaje ko
icyamusunikiye gukora umuziki ari uko akunda kuririmba (kuramya Imana) kandi
akaba ariho abona yacisha ubutumwa bwiza bwa Kristo bimworoheye yifashishije
impano yahawe bikagera kuri benshi.
Akomoza ku ndirimbo ye
nshya ari na yo ya mbere ashyize hanze yise 'Kuva Ubwo,' uyu muramyi yavuze ko ikubiyemo ubutumwa
bwo kwibutsa abantu inkomoko y'agakiza bahawe muri Kristo Yesu ku buntu, ari
nayo ikwiriye gutuma banezererwa urukundo rw'imana ibihe byose. Yongeyeho ko
iyi ndirimbo igenewe abantu bose muri rusange, ari abakijijwe n'abatarakizwa.
Rhamis yavuze ko ingamba
azanye mu muziki wo kuramya no guhimbaza Imana, ari ukuvuga ubutumwa bwiza bwa
Yesu binyuze mu bihimbano bye. Yatangaje ko kugeza ubu atarabona umuntu
umufasha gukurikirana umuziki we kuko aribwo impano ye ikijya ahagaragara.
Yasezeranyije
abanyarwanda n’abishimiye impano ye ko yiteguye kubagezaho ‘icyo ari cyo cyose
Imana izajya inshyira ku mutima binyuze mu bihimbano by'umwuka.’
Mu butumwa bwihariye yageneye abantu bose, yavuze ko bakwiye kumenya ko Kristo akiri Umwami n'umukiza w' ubugingo bw'abamwizeye kandi yiteguye kwakira abamusanze bose. Yasabye abamukunze bose gukomeza kureba indirimbo ye bakumva neza ubutumwa burimo.
Gospel Nyarwanda yungutse impano nshya
Rhamis ni umusore w'umuhanga wiyemeje gutanga umusanzu we mu kwagura ivugabutumwa rinyura mu ndirimbo
Kanda hano urebe indirimbo nshya y'umurambyi Rhamis yise "Kuva Ubwo"
">
TANGA IGITECYEREZO