APR FC ikomeje kwiyubaka ku buryo butigeze bubaho, yamaze gusinyisha Richmond Lamptey ukina mu kibuga hagati amasezerano y'imyaka ibiri akaba yakinaga mu ikipe ya Asante Kotoko yo muri Ghana.
Ku
gicamunsi cyo kuri uyu wa Gatanu tariki 28 Kamena, nibwo ubuyobizi bwa APR FC
bwasinyishije Richmond Lamptey ukina mu kibuga hagati. Uyu musore w'imyaka 27,
amakuru ava muri Ghana avuga ko ikipe ya APR FC yamutanzeho amafaranga arenga Miliyoni 170 z'amanyarwanda ndetse akazajya ahembwa ibihumbi 5 by'idolari.
Uyu
musore yari amaze imyaka 3 muri Asante Kotoko, akaba umwaka ushize yarakinnyi
imikino 17 ya shampiyona ndetse akaba yari umukinnyi ngenderwaho muri iyi kipe.
Uyu musore uzwiho ubushobozi bwo kuyobora ikipe mu kibuga hagati, yafashije
ikipe ya Asante Kotoko kuwegukana igikombe cya shampiyona cya 2021.
Richmond
Lamptey yari mu bakinnyi 23 b’ikipe y’igihugu ya Ghana yakinnye igikombe cya
Afurika 2023 cyakinwe mu ntangiriro za 2024 muri Côte d’Ivoire, yageze muri
Asante Kotoko mu mwaka wa 2021 ahita anafasha iyi kipe gutwara shampiyona ya
2021-2022 ari nayo iheruka.
TANGA IGITECYEREZO