Bayobowe n'umusaza w'imyaka 57! Abakinnyi batanu bakuze kurusha abandi bagikina kugeza ubu

5. Nasir Chowdhury (Chittagong Abahani)

Umunya-Bangladesh Chittagong Abahani ubu amaze kugira imyaka 44 y'amavuko. Ni umwe mu bakinnyi bakuze ba ruhago Isi ifite kugeza ubu.

Nasir Chowdhury ukinira Chittagong Abahani yo muri Bangladesh Premier League, ubuzima bwe bwose akina ruhago, ntabwo yigeze asohoka igihugu cya Bangladesh.

Muri uyu mwaka w'imikino, Chittagong Abahani yakinnye imikino itanu, atsinda igitego kimwe. Ubwo yari igifite amaraso  ya gisore ntiyatangwaga mu kibuga, cyane ko uyu myugariro imikino 132 ariyo yamuciye mu myanya y'intoki atayikinnye mu yakinywe ari muzima. Mu Buzima bwe, myugariro Chittagong Abahani yatsinze ibitego 14.

4. Ahmad Korhani (AC Tripoli)

Ahmad Korhani umuzamu wa AC Tripoli muri Libya, aza ku mwanya wa kane mu bakinnyi bakuze ku Isi, cyane ko afite imyaka 45 y'amavuko.

Ahmad Korhani  muri uyu mwaka w'imikino, yakiniye AC Tripoli imikino irindwi, muri iyo imikino itatu yayisoje adatsinzwe igitego. Muri iyo mikino kandi, Ahmad Korhani yatsinzwemo ibitego bitanu.

3. Dragan Jolovic (FK Alfa Modrica)

Dragan Jolovic ni myugariro w'imyaka 47 y'amavuko, akinira FK Alfa Modrica yo mu cyiciro cya kabiri muri Bosnia na Herzegovina.

Uyu myugariro w'imyaka 47 y'amavuko, muri uyu mwaka w'imikino yakinnye imikino 18, atsinda igitego kimwe, gusa ni umukinnyi amaze gukina imikino myinshi, kuko amaze kurenza imikino 300.

Dragan Jolovic nawe afite ubunararibonye bwo gukina UEFA Champions League.

2. Georgi Petkov (Slavia Sofia)

Georgi Petkov  Ni umuzamu wa Slavia Sofia, w'imyaka 47 y'amavuko, ni umukinnyi ufite ubunararibonye bwo gukina imikino itenga 400.

Georgi Petkov yabaye icyogere mu mikino ya UEFA Champions League na Europa League, gusa mu 1990 nibwo yatangiye guconga ruhago.

Uyu mukinnyi Georgi Petkov, yakinnye imikino 19 mu ikipe y'igihugu ya Bulgaria, uyu mukinnyi kandi akinira ikipe ya Slavia Sofia, ikipe itwara ibikombe muri Bulgaria.

1. Kazuyoshi Miura (UD Oliveirense)

Umuyapani w'imyaka 57 y'amavuko Kazuyoshi Miura ukinira UD Oliveirense yo muri Portugal, niwe mukinnyi ukuze kurusha abandi ku Isi.

Uyu muyapani w'imyaka 57 y'amavuko, ntawuzi niba azahagarika ruhago, gusa yatangiye kuyikina bya kinyamwuga mu 1980.

Kazuyoshi Miura  ukinira UD Oliveirense yo mu cyiciro cya kabiri muri Portugal, yakinnye mu bihugu bitandukanye nka Brazil, u Buyapani, u Butaliyani na Austria.

Kugeza ubu, Rutahizamu Kazuyoshi Miura amaze gukina imikino 709, amaze gutsinda ibitego 193.

Mu ikipe y'igihugu y'u Buyapani uyu mukambwe amaze imyaka 30 asezeye gukinira, yayikiniye imikino 89, ayitsindira ibitego 55.