Women's Football: FC Barcelona yatangaje ko itazakomezanya na Lucy Bronze

Mu gitondo cyo kuri uyu wa Kane, FC Barcelona mu bari n'abategarugori yatangaje ko muri iyi mpeshyi izatandukana na myugariro Lucy Bronze ukomoka mu Bwongereza.

Lucy Bronze wari umaze imyaka ibiri akinira FC Barcelona, yageze muri iyi kipe avuye muri Manchester City. Mu myaka ibiri, yabanzaga mu kibuga ndetse yanafashije iyi kipe gutwara ibikombe bibiri bya UEFA Women's Champions League, gusa Barcelona yemeje ko izamurekura, akayisohokamo ku buntu.

Ibinyamakuru byo muri Esipanye, nabyo byatunguwe no kubona Lucy Bronze byatangajwe ko azatandukana FC Barcelona, kandi byanashobokaga ko yakongera amasezerano y'undi mwaka ari kumwe na FC Barcelona y'abagore.

Mu myaka ibiri myugariro akiniye FC Barcelona, yayikiniye imikino 67, ayitsindira ibitego bitanu. Ni umwe mu bakinnyi b'akataraboneka kuko yatwaye UEFA Wemens Champions League eshanu, eshatu yazitwaye akinira Lyon, ebyiri azitwarira muri Barcelona. 

Lucy Bronze afite ibikombe bitatu bya Shampiyona yo mu Bwongereza, yabitwaye ari muri Liverpool na Manchester City, ndetse muri 2022 yafashije u Bwongereza kwegukana Euro.

FC Barcelona yatangaje ko muri iyi mpeshyi izatandukana na myugariro Lucy Bronze ukomoka mu Bwongereza 

Myugariro Lucy Bronze, ni imwe mu nkingi za mwaba FC Barcelona yari ifite 

Myugariro Lucy Bronze yafashije FC Barcelona mu bagore kwegukana UEFA Wemens Champions League ebyiri