Ubwo Erling Haaland yatsindaga ibitego bine muri bitanu Man City yatsinze Wolves, yahise yuzuza ibitego 25 ahita yanikira Alexander Isak na Cole Palmer bamukurikiye.
Cole Palmer wa Chelsea na Alexander Isak wa Newcastle United, nibo bakurikiye Erling Haaland mu gutsinda ibitego byinshi muri English Premier League uyu mwaka, kuko bafite ibitego 20 mu gihe Haaland afite ibitego 25.
Kugira ngo Haaland yanikire bagenzi be, yabikesheje ibitego bine yatsinze ku mukino Manchester City yatsinze ibitego bitanu kuri kimwe cya Wolves.
Erling Haaland naramuka yegukanye igihembo cya rutahizamu ufite ibitego byinshi muri English Premier League uyu mwaka, azaba acyisubije, kuko no mu mwaka wabanje niwe wagitwaye afite ibitego 36.
Abandi bakinnyi bafite ibitego byinshi ni Alexander Isak wa Newcastle United na Cole Palmer wa Chelsea bafite ibitego 20.
Ollie Watkins wa Aston Villa afite ibitego 19, Dominic Solanke wa Bournemouth afite ibitego 18, Mohamed Salah wa Liverpool afite ibitego 17, naho Jarrod Bowen wa West Ham, Phil Foden wa Manchester City, Bukayo Saka wa Arsenal na Son Heung-Min wa Tottenham bafite ibitego 16.
Haaland yujuje ibitego 25 ahita yanikira Alexander Isak na Cole Palmer
Alexander Isak wa Newcastle United amaze kugira ibitego 20 muri English Premier League
Cole Palmer ukina mu kibuga hagati, Haaland yamaze kumwanikira ku rugamba rwo guhatanira igihembo cy'uwatsinze ibitego byinshi muri English Premier League
Eng
RSS 
TANGA IGITECYEREZO