Lionel Messi agiye kongera guhura ka Cristiano Ronaldo ku nshuro ya 37, mu mukino wa gicuti uhuza PSG n'abakinnyi b'ibihangange bakina muri Saudi Arabia.
Kuri uyu wa kane ni bwo umukino utegerejwe na benshi ku Isi uza kwinikiza, aho ikipe ya PSG ikinamo Lionel Messi iza gucakirana n'abakinnyi b'intoranwa bakina muri Saudi Arabia ari na ho Ronaldo akina. Ni umukino uza kuba ubaye uwa mbere Ronaldo akinnye nyuma yo kuva mu mikino y'igikombe cy'Isi, ndetse ukaba umukino wa mbere kuva uyu mwaka watangira.
Ronaldo na Messi bari kubyina amataha, bashobora kuba bagiye guhurira mu kibuga bahanganye bwa nyuma
Uyu mukino uratangira ku isaha ya Saa 07:00 PM zo mu Rwanda, ubere ku kibuga cya King Fahd Stadium muri Saudi Arabia cyakira abantu ibihumbi 68 n'imisago.
N'ubwo atarabasha gukina umukino n'umwe muri Al-Nassr, Ronaldo niwe uri buze kuba ari Kapiteni w'ikipe y'intoranwa. Uyu mukino ukomeje kuba uw'amateka, itike yawo ihenze ihagaze Miliyari 2 n'ibihumbi 200 y'amanyarwanda.
Ronaldo
w'imyaka 37 na Messi w'imyaka 35 bashobora kuba bagiye guhura bwa nyuma, nyuma
yaho Ronaldo aviriye ku mugabane w'iburayi, ndetse hagati yabo imyaka ikaba iri
kubasiga bisa n'aho bari kubyina amataha.
Uyu mukino uri bube kuri uyu mugoroba ni wo ufite itike ihenze ku isi mu mupira w'amaguru
Ronaldo na Messi bamaze guhura hagati yabo imikino 36, aho Messi yatsinzemo ibitego 22 atanga imipira 12 ivamo ibitego, mu gihe Ronaldo yatsinze ibitego 21 n'umupira umwe uvamo igitego. Aba bakinnyi baheruka guhura mu 2020 mu mikino ya Champions League ubwo Juventus yatsindaga FC Barcelona ibitego 3-0 Ronaldo akaba yaratsinzemo ibitego 2.
Eng
RSS 
TANGA IGITECYEREZO