Keza Terisky wamamaye ku mbuga nkoranyambaga yakoze ibirori agaragaza igitsina cy'umwana azibaruka-AMAFOTO

Ni ibirori uyu mukobwa yakoze mu ntangiriro za 2023, ariko amafoto yabyo ntabwo yahise ajya hanze. Kuri ubu yashyize hanze amafoto yabyo. Mu kuyashyira hanze, yabanje kwikoma abantu bashobora kubyitiranya n’ibya ‘Baby Shower’ byo kwitegura umwana agiye kwibaruka.

Muri ibi birori yakoze, yagaragaje ko agiye kwibaruka umwana w’umuhungu gusa ntabwo yavuze se.

Keza Terisky yaherukaga  gutandukana na The Trainer usanzwe afasha abantu mu myitozo ngororamubiri, mu ntangiro z'Ukuboza umwaka ushize ni bwo yagaragaje ko akuriwe ndetse yenda kwibaruka.

Icyo gihe yasangije abamukurikira barenga ibihumbi 91 kuri Instagram amafoto amugaragaza atwite inda y’imvutsi, ashyiraho akamenyetso ko gushimira Imana.

Uyu mukobwa yaherukaga gutandukana burundu na Laurien Izere ubusanzwe wiyita The Trainer ukora akazi ko gukoresha imyitozo ngororamubiri abantu batandukanye barimo n’ibyamamare.

Uyu ni we bari bamaze umwaka urenga bakundana n’ubwo bacishagamo bagashwana ariko ku wa 17 Mata 2022, The Trainer yamwambitse impeta amusaba kubana uyu mukobwa  nawe arabyemera.

Ntabwo bizwi neza niba uyu mwana ari uwa The Trainer bakundanaga.

Muri Gashyantare umwaka ushize aba bombi nabwo bari babanje gutandukana ariko baza kwiyunga, bakomeza gukundana kugeza muri Nzeri uwo  mwaka ubwo batandukanaga burundu.

The Trainer na Keza bahuriye ku mbuga nkoranyambaga umukobwa ari hanze y’u Rwanda nyuma baza kujya bavugana kenshi ku buryo bamaraga amasaha arenga atatu. Nyuma Keza yaje i Kigali urukundo rutangira kugurumana.

Kuva muri Nyakanga 2021 ni bwo ku mbuga nkoranyambaga z’aba bombi basangizanyaga ababakurikira amashusho bishimanye.

Keza w’imyaka 24 y’amavuko yamamaye ku mbuga nkoranyambaga mu Ukuboza 2017, ubwo yifotozaga yiteye umwenda ufite amabara asa neza n’ay’ibendera ry’igihugu.

Asanzwe akora akazi ko kumurika imideli ndetse yabitangiye mu 2013. Ni umwe mu banyamideli icumi baserukiye u Rwanda i Lagos mu iserukiramuco ry’imideli rya GTBank Fashion Weekend.

Uretse kumurika imideli ni n’umwe mu bakobwa bakomeye bakunze kwifashishwa mu mashusho y’abahanzi batandukanye mu Rwanda kuko yagaragaye muri ‘Pete Kidole’ ya Urban Boyz, Good Life na ‘Mama’ ya Urban Boyz, Go mama ya Active n’izindi.

Mu 2019 yari yambitswe impeta y’urukundo n’umusore witwa Richard bari bamaze imyaka ine bakundana ariko nyuma baza gutandukana ku mpamvu z’uko hari ibyo batahuje.

Keza arakuriwe 

Keza agiye kwibaruka umuhungu 

Basaza ba Keza bari bagiye kumushyigikira mu birori bye 

Byari ibirori kwa Keza 

Mugabekazi Liliane wamamaye ubwo yagaragaraga mu gitaramo cya Tayc yari ahari