MU MAFOTO: Irebere uburanga bwa Clara Chia Marti umukunzi mushya wa Gerard Piqué ugiye kumwibagiza Shakira

Hashize amezi abiri gusa umuhanzikazi  w'icyamamare Shakira atandukanye n'umukinnyi wa ruhago Gerard Piqué bari bamaranye imyaka 11 mu munyenga w'urukundo, ndetse banafitanye abana babibi b’abahungu. Gerard Piqué wavuzweho kuba intandaro y’isenyuka ry'umubano we na Shakira aho batandukanye bapfa ko uyu mukinnyi yamuciye inyuma, kuri ubu yamaze kubona umukunzi mushya asimbuza Shakira witwa Clara Chia Marti.

Ikinyamakuru The Sun cyatangaje ko umubano mushya wa Gerard Piqué n'umukunzi we Clara Chia Marti wagiye ku mugaragaro, ubwo aba bombi basomaniraga mu ruhame mu gitaramo baherutse kwitabira. Clara Chia Marti umukobwa ukiri muto w'uburanga, asanzwe azwi cyane ku mbuga nkoranyambaga nk'umunyamideli umurika imyenda y'imbere n’iyo kujyana ku mazi (Bikini) y'igitsinagore.

Umukunzi mushya wa Piqué, Clara amurika imideli y'imyenda ya 'Bikini'

Amwe mu mafoto Clara Chia Marti ashyira kuri Instagram ye

Clara Chia Marti umukunzi mushya wa Piqué afite imyaka 23 y'amavuko, akaba arushwa imyaka 12 n'uyu mukinnyi batangiye gukundana dore ko we afite imyka 35 y'amavuko. The Sun ikomeza ivuga ko kuri ubu Clara Chia Marti akomeje kuvugwaho ko yaba ariwe watandukanije Shakira na Piqué, mu gihe abandi muri Espagne bari kuvuga ko uyu mukobwa ukiri muto yaba agiye gutuma Piqué yibagirwa Shakira babanye imyaka 11 bakanabyarana abana babiri.