Isabukuru ya Frida Kajala ikomeje kurangwa n’ibyiza biherekejwe n’imitoma ya Harmonize-AMAFOTO

Mbere y’iminsi micye ngo Frida Kajala yizihize isabukuru, umukunzi we Harmonize yatangaje ko binjiye mu gihe cyo kuyizihiza hari kuwa 20 Nyakanga 2022.

Kuwa 21 Nyakanga 2022 aba bombi basangije ababakurikira amafoto meza abagaragaza bishimanye aho bagiye kuyizihiriza n'andi agaragaza Frida Kajala yambaye mu buryo buteye ubwuzu.

Ku munsi nyirizina ari wo kuwa 22 Nyakanga 2022 Harmonize yafashe umwanya mu magambo aryohereye ataka umukunzi we.

Harmonize ati: ”Isabukuru nziza rukundo rw’ubuzima bwanjye. Gushyingiranwa nawe nizo nzozi kandi turenda kuzirotora. Kukugira umujyanama wanjye ni ikimenyetso cy’uburyo nkwizeramo.”

Akomeza agira ati:”Uri ingirakamaro mu buzima bwanjye ndabizi ko bamwe batakubaha bamwe batizera ko wahagararaga wemye mu byo tunyuramo ariko nzi ko ushoboye….”

Nubwo byinshi mu binyamakuru byagaragaje ko Frida Kajala yujuje imyaka 42 y'amavuko, we yavuze ibinyuranye n'ibyo agira ati: ”Murabona imyaka 39 imbere ye!”

Frida Kajala yujuje imyaka 39 mu gihe umukobwa we Paula Kajala na we yari aherute kwizihiza isabukuru y’amavuko y’imyaka 20.

Frida Kajala wizihiza isabukuru y'amavukoAri mu bari n'abategarugori bavugisha abatari bacyePaula Kajala umukobwa wa Frida Kajala na we yaherukaga kwizihiza isabukuru y'imyaka 20Urukundo rwa Harmonzi na Frida Kajala rugeze aharyoshye