Itsinda ry’abakobwa Kataleya na Kandle ryo muri Uganda ryakoranye indirimbo n’umuhanzi Afrique bise ‘Nyash’ rigiye kuza mu Rwanda muri gahunda zigamije kumenyekanisha ibihangano by’aho n’ibindi bitandukanye bigamije kwiyegereza.
Kuri uyu wa 8 Nyakanga 2022, ni bwo
aba bakobwa basohoye indirimbo y’urukundo bakoranye na Afrique wamenyekanye
binyuze mu ndirimbo zirimo ‘Agatunda’.
Iyi ndirimbo ni umusaruro w’urugendo
Afrique yakoreye muri Uganda muri Kamena 2022. Aba bakobwa bazagera mu Rwanda
ku wa mbere w’icyumweru kiri imbere, aho bazaba bari kumwe n’umujyanama wabo.
Iri tsinda rigezweho muri Uganda,
rikunzwe muri iki gihe mu ndirimbo zirimo 'Nkunonya' na 'Do Me'.
Amashusho y’iyi ndirimbo ‘Nyash’
basohoye bakoranye na Afrique yakozwe na Fayzo afatanyije na Taher Visual n’aho
amajwi yafashwe na Producer Nessim.
Namakula Hadijah [Kataleya] yavuze ku
wa 19 Ukuboza 1990, aho yize amashuri abanza kuri Mengo ayisumbuye yiga muri
Noah mu gace ka Rubaga.
Nabatuusa Rebecca [Kandle], yize
amashuri abanza ahitwa Bunamwaya ayisumbuye yiga Kyambogo College.
Ibinyamakuru birimo Ugandanbuzz,
bivuga ko aba bombi bahuye ubwo Kandle yari aherekeje inshuti ye igiye mu isabukuru
y’amavuko ya Kataleya.
Icyo gihe Kandle yasuhuzanyije na
Kataleya bahana n’imero, kuva ubwo umubano wabo uraguka, kugeza biyemeje
gukora umuziki.
Kandle avuga ko binjiye mu muziki
hagati ya 2017 na 2018 nyuma yo kubona nta tsinda ry’abakobwa muri Uganda
rikora umuziki. Ati “Igitekerezo cyari ukuziba icyuho cyariho icyo gihe.”
Binjiye mu muziki bafashwa na Theron
Music. Bombi bavuga ko umuziki utari inzozi, kuko Kataleya yashakaga kuba
umupilote w’indege naho Kandle agashaka gukora mu ndege.
Aba bakobwa bavuga ko kuva bakwinjira
mu muziki bahise biyemeza kugeza umuziki wabo ku rwego mpuzamahanga.
Kataleya & Kandle basohoye
indirimbo ‘Nyash’ bakoranye na Afrique
Kataleya & Kandle bavuga ko
binjiye mu muziki kugira ngo bazibe icyuho cy’amatsinda y’abakobwa muri Uganda
Kataleya & Kandle bagiye kuza mu Rwanda
muri gahunda zo kumenyekanisha indirimbo zabo
Aba bakobwa bamaze iminsi bakorera
ibitaramo muri Uganda
Kataleya & Kandle bavuga ko
bashaka kugeza umuziki wabo ku rwego mpuzamahanga
TANGA IGITECYEREZO