Ikipe ya Association Sportive d’Arta/Solar 7 yo muri Djibouti ikinamo Alexander Song wakiniye amakipe y'ibigugu i Burayi, arimo Arsenal na FC Barcelone yamaze kugera mu Rwanda, aho izakina imikino ya gicuti n'amakipe azasohokera u Rwanda mu mikino Nyafurika.
Arta Solar yageze mu Rwanda mu ijoro ryo kuri uyu wa Kane, aho ije ku butumire bwa AS Kigali bazakina umukino wa gicuti kuri uyu wa Gatandatu tariki 21 Ugushyingo 2020, umukino uzabera kuri Stade ya kigali.
Uretse AS Kigali, Arta Solar izongera kugaruka mu kibuga ku wa mbere tariki ya 23 Ugushyingo 2020, ikina na APR FC umukino nawo uzabera kuri Stade ya Kigali saa 15h00' nk'uko amakuru agera ku InyaRwanda.com abivuga.
Iyi mikino ya gicuti izafasha aya makipe yose kwipima no kwitegura neza imikino nyafurika igiye gukina, aho bizafasha AS Kigali kwitegura umukino izakina na Orapa United yo muri Botswana muri Confederations Cup, umukino uzaba tariki 29 Ugushyingo 2020.
Mu gihe APR FC bizayifasha kwitegura umukino izakina na Gormahia tariki ya 18 Ugushyingo 2020, muri Champions League, bikazanafasha Arta Solar 7 kwitegura neza umukino izakina n’ikipe ya Arab Contractors yo mu Misiri, muri Confederations Cup, umukino ubanza ukazakinirwa muri Djibouti tariki 28/11/2020.
AS Arta Solar 7 itari isanzwe izwi yamenyekanye cyane ubwo yasinyishaga umunya-Cameroun Alex Song wamenyekanye cyane muri Arsenal ndetse na FC Barcelone, akaba muri Werurwe uyu mwaka ari bwo yatandukanye n’ikipe ya FC Sion yo mu Busuwisi nyuma yo kwanga kugabanya umushahara mu bihe bya COVID-19.
Alex Song w'imyaka 33 y'amavuko yasinye amasezerano y'imyaka ibiri muri AS Arta Solar 7, anahabwa nimero 17 azajya yambara.
Song yakiniye Arsenal igihe kirekire
Alex Song yanakiniye Barcelona yagezemo avuye muri Arsenal
Song yahawe nimero 17 muri Arta Solar 7
Eng
RSS 
TANGA IGITECYEREZO