Nyuma yuko Ishyirahamwe ry'umupira w'amaguru mu Rwanda 'FERWAFA' itangaje ko Amavubi y'abatarengeje imyaka 20 izitabira CECACA izabera muri Tanzania muri uku kwezi, yamaze gutangaza umutoza mukuru uzayitoza muri iri rushanwa rizatanga amakipe azahatanira itike ya CAN muri iki cyiciro.
Kayiranga Jean Baptiste usanzwe utoza ikipe y'abato ba Rayon Sports, niwe wagizwe umutoza mukuru w'ikipe y'igihugu Amavubi y'abatarengeje imyaka 20, akaba yahawe uburenganzira bwo kwishakira abazamwungiriza.
CECAFA y'abatarengeje imyaka 20 y'uyu mwaka, izabera muri Tanzania guhera tariki ya 22 Ugushyingo 2020, kugeza tariki ya 05 Ukuboza 2020.
Biteganyijwe ko Amavubi U20, azahaguruka mu Rwanda yerekeza muri Tanzania tariki ya 20 Ugushyingo 2020.
Tanzania izakira imikino yo gushaka itike y’Igikombe cya Afurika mu batarengeje imyaka 20, mu Karere ka Afurika y’Iburasizuba no Hagati.
Muri CECAFA y'abatarengeje imyaka 20 izabera muri Tanzania, u Rwanda rwisanze mu itsinda A hamwe na Tanzania izaba yakiriye amarushanwa, Somalia ndetse na Djibouti.
Uko Amakipe yatomboranye muri CECAFA U20:
Itsinda A: Tanzania, Rwanda, Somalia, Djibouti
Itsinda B: Burundi, Eritrea, South Sudan, Uganda
Itsinda C: Ethiopia, Kenya, Sudan
Kayiranga Jean Baptiste niwe uzatoza Amavubi U20 izitabira CECAFA
Amavubi U20 azitabira CECAFA ashaka itike ya CAN
Eng
RSS 
TANGA IGITECYEREZO