Tom Close, Ama-G, King James, Inyamibwa n'abandi bakiriye abanyeshuri bashya muri Kaminuza y'u Rwanda - AMAFOTO

Gahunda yo kwakira abanyeshuri bashya, ni gahunda ibaho buri mwaka igasozwa n'igitaramo gitumirwamo abahanzi b'ibyamamare bajya gutaramira abo banyeshuri bashya. Kuri iyi nshuro iki gitaramo kibaba cyaratewe inkunga n’ikigo cy’itumanaho cya Airtel, bamwe mu bafatanyabikorwa b’ishami rya Kaminuza y’u Rwanda rya Huye.

Tom Close mu gitaramo cyo kwakira abanyeshuri bashya ba Kaminuza y'u Rwanda 

Aha King James yaririmbaga indirimbo "Yantumye" ikunzwe cyane

Ama-G The Black na mugenzi we wamufashaga

Uretse aba bahanzi b'ibyamamare nka Tom Close, Ama G the Black na King James, igitaramo cyanagaragayemo abahanzi bakizamuka babarizwa muri Kaminuza y’u Rwanda ishami rya Huye ndetse n'itorero Inyamibwa ry'umuryango w'abanyeshuri bacitse ku icumu rya Jenoside yakorewe abatutsi (AERG) mu ishami rya Huye. Hari kandi itsinda ryitwa Inshoza rikora imbyino gakondo ndetse n’itsinda rikora ikinamico ryitwa “Les Stars du Theatre”.

Abakobwa b'Itorero Inyamibwa rya AERG ya Kaminuza y'u Rwanda - Huye

Abahungu baba muri iri torero Inyamibwa nabo bari babukereye

Muri rusange igitaramo cyatangiye ku isaha ya saa moya z'umugoroba ariko uretse gutarama kw’abahanzi hagati hakaba harazagamo amajambo (speeches) yo guha ikaze abanyeshuri bashya. Igitaramo cyarangiye hafi mu ma saa sita n'igice z'ijoro.

Umwe mu bahanzi bakizamuka wasusurukije aba banyeshuri

Umwe mu basore bagize itsinda rya 4 Gigga ubwo yataramiraga aba banyeshuri

Uyu nawe abarizwa muri iri tsinda rya 4 Gigga

Uyu mukobwa wari MC yashimishije kandi asetsa cyane abari bitabiriye igitaramo

Nk'uko twabitangarije na Jean Baptiste Micomyiza; umunyamakuru wa Radio Salus akaba n'umwe mu bakozi b'iyi Kaminuza, we asanga uburyo abanyeshuri bashamadukiye iki gitaramo bitandukanye nk'uko byahoze mbere. Aha akaba yagize ati: "Urebye abanyeshuri bashya bagaragaje kwishimira abahanzi ariko bitari ku rwego rwo hejuru dore ko batigeze bahaguruka cyane ngo babyinane n'abahanzi ngo bibe nk’uko bisanzwe bimenyerewe muri iyi Kaminuza ko abanyeshuri bagera n'aho baza ku rubyiniro kubera ibyishimo".

Manirakiza Théogène

Photos: Emmanuel Munezero