Ballon d’Or 2017: Cristiano Ronaldo yatwaye igihembo ku nshuro ya gatanu ahigitse Lionel Messi-AMAFOTO

Ronaldo w’imyaka 32 yatwaye iki gihembo ahigitse mucyeba we Lionel Messi w’imyaka 30 uyiheruka mu 2015. Neymar Junior Santos wahoze muri FC Barcelona yafashe umwanya wa gatatu hagendewe ku musaruro yakuye i Barcelona. Ni umuhango waberaga i Paris mu murwa mukuru w'u Bufaransa.

Mu mwaka ushize w’imikino, Cristiano Ronaldo yafashije Real Madrid gutwara igikombe cya UEFA Champions League n’igikombe cya shampiyona. Umupira wa zahabu Ronaldo yahawe kuri uyu mugoroba w’uwa Kane, waje wiyongera k'uwo yahawe muri 2008, 2013, 2014 na 2016. Lionel Messi ni we wari wihariye uyu mupira kuva mu 2009.

Cristiano Ronaldo wanamaze gufasha Portugal kubona itike y’igikombe cy’isi, yavuze ko ashimishijwe cyane n’igihembo yatwaye ndetse anashima cyane ikipe ya Real Madrid.Yagize ati: “Iki ni ikintu mba mparanira buri mwaka. Ndashimira Real Madrid n’abakinnyi dukinana muri iyi kipe. Sinakwibagirwa gishimira abantu bose bamfashije kugera kuri iyi ntera."

Ronaldo kandi mu bikorwa yagiye agira mu mwaka ushize w’imikino byiyongeraho kuba yarafashije Portugal gutwara igikombe cy’ibihugu by’i Burayi (Euro 2016) batsinze France igitego 1-0. Yatsinze ibitego 42 muri Real Madrid mu marushanwa yose bakinnye ndetse banatwara igikombe cya shampiyona ya Espagne (Spanish La Liga) cyo kimwe n'igikombe cya 12 cy’u Burayi batwaye.

Batsinda Juventus ibitego 4-1 ku mukino wa nyuma wa UEFA Champions League 2016, Cristiano Ronaldo yatsinzemo ibitego bibiri  ndetse icyo gihe yari afite agahigo ko kuba mu mikino 29 ya shampiyona yarabashije gutsinda mu mikino 25.

Cristiano Ronaldo akikiye igihembo cya 2017

Dore abakinnyi 15 ba mbere:

1. Cristiano Ronaldo - Real Madrid

2. Lionel Messi - Barcelona 

3. Neymar - Paris Saint-Germain

4. Gianluigi Buffon - Juventus

5. Luka Modric - Real Madrid 

6. Sergio Ramos - Real Madrid

7. Kylian Mbappe - Paris Saint-Germain

8. N'Golo Kante - Chelsea

9. Robert Lewandowski - Bayern Munich

10. Harry Kane - Tottenham

11. Edinson Cavani - Paris Saint-Germain

12. Isco - Real Madrid

13. Luis Suarez - Barcelona

14. Kevin De Bruyne - Manchester City

15. Paulo Dybala - Juventus

Dore uko Ballon d’Or yatwawe 2008-2017:

2008 Cristiano Ronaldo       

2009 Lionel Messi       

2010 Lionel Messi       

2011 Lionel Messi       

2012 Lionel Messi       

2013 Cristiano Ronaldo       

2014 Cristiano Ronaldo       

2015 Lionel Messi       

2016 Cristiano Ronaldo       

2017 Cristiano Ronaldo     

Ronaldo kumwe na Ronaldo Luis Nazario kimwe na Michael Owen 

Cristiano Ronaldo imbere y'abanyacyubahiro i Paris 

Ballon d'Or eshanu ku myaka 32 amaze kuzigwiza

Cristiano Ronaldo n'umubyeyi we Maria Dolores dos Santos Aveiro ndetse na Cristiano Ronaldo Jr umuhungu wa Cristiano Ronaldo

Ballon d'Or zose Cristiano Ronaldo amaze gutwara

Ubwo Cristiano Ronaldo yari afashe indege agana i Paris 

Cristiano Ronaldo yari yabanje gushyira hanze ifoto agaragaza ibihembo bine mbere yuko bakina na Granada CF

Georgina Rodriguez uri mu rukundo na Cristiano Ronaldo ubwo bari mu ndege bagana i Paris

Inkweto Cristiano Ronaldo yakorewe n'uruganda rwa NIKE

PHOTOS: DailMailOnline