Nyuma y’uko indirimbo” Nasara”y’umuhanzi Meddy iciye agahigo ko kuba yararebwe cyane ku rubuga mpuzamahanga rwa youtube, ubu amashusho y’indirimbo nshya ya Meddy yise Burinde bucya yamaze kujya hanze aho yizera ko nayo izagera ku rwego rurushijeho.
Mu kiganiro Meddy yagiranye na Inyarwanda.com, yavuze ko iyi ndirimbo “Burinde bucya”ivuga ku nkuru mpamo y’ibyamubayeho ndetse ikaba ari imwe mu ndirimbo 15 zizaba zigize album yitegura gushyira hanze muri uyu mwaka wa 2015.Aha Meddy yagize ati:Iyi ndirimbo ni true story(inkuru mpamo)”Izaba kandi iri kuri Album ndi kubategurira yitwa “Ni jyewe”izaba igizwe n’indirimbo zigera kuri 15.Izaba iriho indirimbo zitandukanye nshya zirimo n’iyi “Burinde bucya” kandi ikazaba ikozwe mu buryo bw’amajwi n’amashusho(Audio na Video) kuko nicyo cyamara inyota abafana banjye”.
Meddy mu ndirimbo Burinde bucya
Meddy yakomeje avuga ko ateganya kuzashyira hanze iyi album mu kwezi kwa gatanu uyu mwaka aho azazenguruka(Tour) mu bihugu bitandukanye birimo ububiligi, Canada, ndetse n’ibindi kugeza aje no mu Rwanda.Yagize ati:”Nzakora Tour kuva muri Belgique, Canada,…kugeza mu Rwanda mu kwezi ntaramenya neza ariko gahunda ndayihorana”.
Muri iyi ndirimbo hagaragaramo imbyino zidasanzwe Meddy amenyereweho
Meddy yavuze kandi ko muri uyu mwaka w’2015 afite gahunda yo kwagura umuziki mu buryo bukomeye afatanyije n’abandi bahanzi nyarwanda ku buryo amahanga azamenya neza adashidikanya ko mu Rwanda hari umuziki kandi mwiza.
Meddy arizera ko aya mashusho azashimisha abakunzi be
Mu butumwa yageneye abakunzi be bose anabifuriza umwaka mushya muhire w’2015, Meddy yagize ati:Ndashimira cyane abakunzi banjye kumba hafi mu buryo bwose, mu bihe bitandukanye kandi nanjye nzakomeza kubaha icyo mfite aricyo umuziki, Ndabakunda kandi ndabakumbuye”.
Meddy mu mashusho y'indirimbo Burinde bucya
Iyi ndirimbo “Burinde bucya”yatunganyijwe na Lick Lick mu buryo bw’amajwi ndetse n’amashusho.
Reba hano amashusho y'indirimbo Burinde bucya ya Meddy
Twababwira ko kugeza ubu amashusho y’indirimbo Nasara amaze guca agahigo ko kurebwa n’abantu benshi kurusha izindi ndirimbo nyarwanda ku rubuga rwa Youtube aho kugeza ubwo twandikaga iyi nkuru, Nasara yari imaze kurebwa n’abantu 521,434.
Reba hano indirimbo Nasara ya Meddy imaze kurebwa n'abarenga ibihumbi 500 kuri youtube
Robert Musafiri
Eng
RSS 
TANGA IGITECYEREZO