Muhire Nzubaha ufite indoto zo gusakaza umuziki we muri Afrika ari kubarizwa muri Uganda muri gahunda z'umuziki-AMAFOTO

Mu butumwa yanyujije ku rubuga rwa Facebook mu mugoroba w'iki Cyumweru tariki 22 Nyakanga 2018, umuhanzi Muhire Nzubaha yatangaje ko ari kubarizwa muri Uganda mu mujyi wa Kampala mu gace kitwa Munyonyo muri gahunda z'umuziki we aho yajyanye na Producer Karenzo umwe mu bahagaze neza mu Rwanda mu gutunganya amashusho y'indirimbo z'abakora umuziki wo kuramya no guhimbaza Imana.

UMVA HANO 'ASANTE MUNGU' YA MUHIRE NZUBAHA

Muhire Nzubaha ari gufata amashusho y'indirimbo ye 'Asante Mungu' aherutse gushyira hanze. Muhire Nzubaha avuga ko abakunzi b'Indirimbo zo kuramya no guhimbaza Imana mu Rwanda no mu karere ko impamvu bagiye kuyikorera muri Uganda izagaragara amashusho y'iyi ndirimbo ubwo azaba yagiye hanze.

'Asante Mungu' ni indirimbo iri mu rurimi rw'Igiswahire gusa. Muhire Nzubaha afata indirimbo ye 'Asante Mungu' nk'iturufu igomba kumwinjiza muri Afrika by'umwihariko mu karere k'Afrika y'Iburasirazuba bitewe n'uko ururimi rw'Igiswahili yayiririmbyemo rukoreshwa mu bihugu bitandukanye bihana imbibi n'u Rwanda.

AMAFOTO YA MUHIRE ARI MURI UGANDA

Muhire mu ifatwa ry'amashusho y'indirimbo ye nshya

Producer Karenzo ni we uri gufata amashusho y'indirimbo ya Muhire

Muhire Nzubaha ari kubarizwa muri Uganda muri gahunda z'umuziki